पृथ्वीचन्द्र अस्पतालमा कोरोनाबाट एकैदिन ४ को मृत्यु
परासी — पश्चिम नवलपरासीमा कोरोना संक्रमणको कारण शनिबार एकै दिन ४ जनाको मृत्यु भएको छ । चारै जनाको पृथ्वीचन्द्र जिल्ला अस्पतालमा उपचारको क्रममा मृत्यु भएको हो ।
मृत्यु हुनेमा बर्दघाट नगरपालिका-४ का ७८ वर्षीय पुरुष, रामग्राम नगरपालिका-१६ का ६२ वर्षीय पुरुष , वडा नम्बर ४ का ४४ वर्षीय एक पुरुष र सुस्ता गाउँपालिका-५ का ३५ वर्षीय पुरुष रहेको स्वास्थ्य कार्यालय पश्चिम नवलपरासीका प्रमुख कृष्णप्रसाद पोखरेलले बताए ।
योसहित दोस्रो लहरको संक्रमणका कारण जिल्लामा १३ जनाले ज्यान गुमाएका छन् ।
यसैगरी पूर्वी नवलपरासीमा कोरना संक्रमणबाट जिल्लाको देवचुली र गैंडाकोट नगरपालिकाका एक/एक जना पुरुषको मृत्यु भएको छ ।
होम आइसोलेसनमा बसेका उनीहरुलाई श्वास प्रश्वासमा समस्या आएपछि उपचारको क्रममा भरतपुर अस्पतालमा मृत्यु भएको स्वास्थ्य कार्यालय पूर्वी नवलपरासीका प्रमुख केशव प्रसाद चापागाईंले बताए ।