दाङमा कोरोना संक्रमित बोक्न अटो एम्बुलेन्स

अटोलाई लकडाउनभरि एम्बुलेनसका रुपमा प्रयोग गर्ने गरी तयारी गरिएको एम्बुलेन्स परिचालन समितिका संयोजक दिपक कुमालले बताए । तुलसीपुर क्षेत्रमा एम्बुलेन्सले बिरामीहरुसँग चर्को भाडा लिन थालेपछि कोरोना संक्रमितलाई गाउँबाट सहरसम्म सहजरुपमा पुर्‍याउन अटो एम्बुलेन्सको प्रयोग गरिएको कुमालले बताए ।

अटो एम्बुलेन्सलाई शुक्रबार तुलसीपुर उपमहानगरपालिका प्रमुख घनश्याम पाण्डेलाई हस्तान्तरण गरिएको छ । जेसिसका पूर्व अध्यक्ष मोहन सुनार, अजय दुलाल र सुनिलबाबु डाँगीको पहलमा अटो एम्बुलेन्स सञ्चालन गरिएको हो ।