कोरोना संक्रमणबाट एकै घरका ३ दाजुभाइको मृत्यु

जिल्ला कोभिड संकट व्यवस्थापन केन्द्र बाँकेका कोरोना फोकल पर्सन तेज वलीका अनुसार उनीहरुको एक–एक दिनको अन्तरालमा मृत्यु भएको हो । उनीहरु सबैको भेरी अस्पतालमा उपचारको क्रममा मृत्यु भएको हो ।

कान्छा भाइको मृत्यु भएको भोलिपल्ट राइँला भाइको मृत्यु भएको थियो । शुक्रबार बिहान काइँला भाइको मृत्यु भएको हो । बजारमा व्यवसाय गर्दै आएका उनीहरु सात भाइ थिए ।

हालसम्म बाँकेमा कोरोना संक्रमणबाट मृत्यु हुनेको संख्या १६९ जना पुगेको छ भने उपचारका लागि बाहिरी जिल्लाबाट बाँके आएका १३० जनाको मृत्यु भइसकेको छ ।