जिप भिरबाट खस्दा चालकको मृत्यु
दाङ — दाङमा जिप भिरबाट खस्दा चालकको मृत्यु भएको छ । घोराही उपमहानगरपालिका–४ भंगानेमा मंगलबार राति बा१३च ८०४८ नम्बरको जिप दुर्घटना हुँदा घोराही–१३ बडहराका विष्णु गिरीको घटनास्थलमै मृत्यु भएको हो ।
दुर्घटनामा जिपमा सवार दुई जना घाइते भएका छन् । घाइते हुनेमा तुलसीपुर उपमहानगरपालिका–४ का ३३ वर्षीय राजकुमार थापा र र तुलसीपुर–१६ का २३ वर्षीय वसन्त भण्डारी छन् ।
घाइतेहरूको राप्ती स्वास्थ्य विज्ञान प्रतिष्ठान घोराहीमा उपचार भइरहेको जिल्ला प्रहरीले जानकारी दिएको छ । रोल्पाबाट घोराही आउँदै गरेको जिप सडकबाट खसेको हो ।
प्रतिक्रिया
