पासो लगाएर झुन्डिएको अवस्थामा कैदीको शव फेला

स्याङ्जाको भिरकोट नगरपालिका–७ का ३० वर्षीय किसान गुरुङले आइतबार राति कारागारको शौचालयमा झुन्डिएर आत्महत्या गरेको कारागारकी प्रमुख भक्तिसरा रानाले बताइन् । उनका अनुसार सोमबार बिहानै शौचालय गएका अन्य कैदीबन्दीले गुरुङलाई शौचालयको भेन्टिलेटरमा झुन्डिएको अवस्थामा भेटेको खबर गरेका थिए ।

चोरी मुद्दामा कैद सजाय भोग्दै आएका गुरुङ २०७६ जेठमा स्याङ्जा कारागारमा थिए । पाँच वर्ष कैद तोकिएका उनलाई २०७६ माघमा पाल्पा कारागार ल्याइएको थियो । शव पोस्टमार्टम गरी आफन्तलाई जिम्मा लगाइने कारागार प्रमुख रानाले बताइन् ।