पाल्पाको तानसेनमा जिप दुर्घटना : २ जनाको मृत्यु - लुम्बिनी - कान्तिपुर समाचार

पाल्पाको तानसेनमा जिप दुर्घटना : २ जनाको मृत्यु 

माधव अर्याल

पाल्पा — तानसेन नगरपालिका–७, काजीपौवामा मंगलबार बिहान भएको जिप दुर्घटनामा दुई जनाको मृत्यु भएको छ ।

कुखुरा बोकेको दुर्घटनाग्रस्त जिप । तस्बिर सौजन्य : ट्राफिक प्रहरी कार्यालय, पाल्पा 

काजीपौवास्थित भित्री सडकखण्डमा भएको दुर्घटनामा बगनासकाली गाउँपालिका–४, खानीछापका २० वर्षीय विजय खाम्चा र रिब्दीकोट गाउँपालिका–४, भैरवस्थानका २७ वर्षीय राजु थापाको मृत्यु भएको जिल्ला प्रहरी कार्यालयले जनाएको छ ।

दुर्घटनामा घाइते भएका दुवै जनाको मिसन अस्पतालमा उपचारका लागि लगिए पनि चिकित्सकले मृत घोषणा गरेको प्रहरी नायब उपरीक्षक रामेश्वर त्वातीले जानकरी दिए ।

खुसी फ्रेस हाउसमा कुखुरा छाडेर तानसेन फर्कने क्रममा जिप दुर्घटनामा परेको प्रहरीले जनाएको छ । दुर्घटनाग्रस्त लु २ च ६३२ नम्बरको जिप सडकबाट २० मिटर तल खसेको थियो । प्रहरीले घटनाका सम्बन्धमा थप अनुसन्धान गरेको जनाएको छ ।


प्रकाशित : चैत्र २४, २०७७ ०९:३८
प्रतिक्रिया
पठाउनुहोस्

गुल्मीमा आगलागीमा परेर बालिकाको मृत्यु

माधव अर्याल

पाल्पा — गुल्मीको धुर्कोट गाउँपालिका–७, वाग्ला धाराखोलामा आगलागीमा परेर शुक्रबार एक बालिकाको मृत्यु भएको छ ।

जिल्ला प्रहरी कार्यालय गुल्मीका अनुसार ९ वर्षीया संगीता परियारको घर नजिकैको धाराखोली बले सल्ला सामुदायिक वनमा आगलागी हुँदा जलेर मृत्यु भएको हो ।

घर नजिकैको खोलामा नहाएर घर फर्किने क्रममा आगोलागीमा परेर जलेर मृत्यु भएको प्रहरी कार्यालयका प्रहरी नायब उपरीक्षक तथा सूचना अधिकारी पुरुषोत्तम पाण्डेयले जानकारी दिए ।

प्रकाशित : चैत्र २०, २०७७ १६:३८
पूरा पढ्नुहोस्
प्रतिक्रिया
पठाउनुहोस्
×