चन्दा माग्ने ४ जना पक्राउ
नेपालगन्ज — बाँकेमा ज्वला सिंह समूहको नामबाट चन्दा माग्ने ४ जनालाई प्रहरीले पक्राउ गरेको छ ।
बाँकेको राप्तीसोनारी गाउँपालिका वडा नं–५ जुरपानी बस्ने सिताराम थारुलाई एक हप्ता पहिलादेखि ज्वाला सिंह समूहको नामबाट फोन गरेर चन्दा माग्ने ४ जनालाई प्रहरीले पक्राउ गरेको हो ।
पक्राउ परेकाहरुलाई आइतबार जिल्ला प्रहरी कार्यालय बाँकेले सार्वजनिक गरेको हो । चन्दा माग गरेको भन्ने सूचनाको आधारमा खटिएको विशेष टोलीले उक्त समूहको खोजी तथा निगरानी गर्ने क्रममा उनीहरुलाई पक्राउ गर्न सफल भएको बाँकेका प्रहरी प्रमुख प्रहरी उपरीक्षक ओमबहादुर रानाले बताए ।
आफूलाई ज्वाला सिंह समूह बताउने राप्तीसोनारी गाउँपालिका वडा नं–४, सूर्यलालपुरका २४ वर्षीय विकास चौधरी, ४१ वर्षीय मेघनाथ चौधरी, ४० वर्षीय भिमबहादुर भण्डारी र दाङ तुल्सीपुर उपमहानगरपालिका वडा नं–१५ का २९ वर्षीय ज्योतीप्रकाश चौधरी पक्राउ परेका हुन् ।
ज्योती हाल नेपालन्ज उपमहानगरपालिका वडा नं–४ सल्यानी बामा बस्दै आएका छन् । ज्योतीलाई प्रहरीले चैत्र २० गते नेपालगन्ज वडा नं २२ पुरैनीबाट पक्राउ गरेको हो । ज्योतीले चन्दाबापत लिएको दस हजारसहित चन्दा लिने कार्यमा प्रयोग गरेको सिमसहित नियन्त्रणमा लिएको प्रहरी उपरीक्षक रानाले बताए ।
प्रकाशित : चैत्र २२, २०७७ २०:१६