भैंसीलाई सुत्केरी भत्ता

नगरका किसानले प्रतिभैंसी सुत्केरी भत्ताबापत २ हजार रुपैयाँ पाउने गरेका छन् । ‘अहिलेसम्म १ हजार १ सय भैंसीलाई सुत्केरी भत्ता दिइयो । अन्न, दानासहित पौष्टिक आहार किन्न सजिलो होस् भनेर किसानलाई यस्तो भत्ता दिएका हौं,’ सन्धिखर्क नगरपालिकाका प्रमुख प्रशासकीय अधिकृत कृष्णप्रसाद सापकोटाले भने, ‘यस वर्ष भत्ताका लागि निवेदन दिएका १ हजार ६ सय किसानलाई भत्ता वितरण गर्ने कार्यक्रम छ ।’

सुत्केरीमा पोसिलो खानेकुरा खुवाउँदा लामो समयसम्म दूध धेरै दिने गरेकाले दूध उत्पादनमा वृद्धि ल्याउन भत्ता बाँडिएको उनले बताए । नगरपालिकाका १२ वटा वडामा २० हजार भैंसी छन् ।