ससुराको हत्या आरोपमा बुहारी पक्राउ- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

ससुराको हत्या आरोपमा बुहारी पक्राउ

माधव अर्याल

पाल्पा — गुल्मीमा ससुराको हत्या गरेको आरोपमा प्रहरीले बुहारीलाई पक्राउ गरेको छ । 

फागुन ८ गते रुरुक्षेत्र गाउँपालिका–३, थोर्गा झमेरेपोखराका ८७ वर्षीय नन्दकुमार ज्ञवाली आफ्नै घरमा मृत फेला परेका थिए । प्रहरीले अनुसन्धानका लागि घरमा रहेकी कान्छी बुहारी ४२ वर्षीया मनकला ज्ञवालीलाई नियन्त्रणमा लिएको थियो । प्रारम्भिक अनुसन्धानमा बुहारीले पैसाका लागि ससुराको हत्या गरेको हुन सक्ने देखिएको गुल्मीका प्रहरी नायब उपरीक्षक एवं सूचना अधिकारी पुरुषोत्तम पाण्डेयले बताए ।

प्रहरीका अनुसार मनकलाको कोठाबाट प्रहरीले ७९ हजार रुपैयाँसमेत बरामद गरेको छ । उनलाई फागुन ९ गते पक्राउ गरी अनुसन्धानका लागि अदालतबाट म्याद थप गरिएको पाण्डेयले बताए । प्रहरीका अनुसार मृतकको टाउकोमा चोट लागेको थियो । मनकलाले नै जेठाजुमार्फत ससुरा मृत फेला परेको जानकारी प्रहरीमा दिएकी थिइन् ।


प्रकाशित : फाल्गुन ११, २०७७ ११:४९
प्रतिक्रिया
पठाउनुहोस्

पूर्वप्रधानमन्त्री भट्टराई अस्पताल भर्ना 

कान्तिपुर संवाददाता

नयाँदिल्ली — स्वास्थ्य उपचारका लागि नयाँदिल्ली आएका पूर्वप्रधानमन्त्री तथा जसपा संघीय परिषद् अध्यक्ष बाबुराम भट्टराई अस्पताल भर्ना भएका छन् । भट्टराईलाई मंगलबार दिल्लीको वसन्तकुञ्जस्थित यकृत एवं पित्त विज्ञान संस्थानमा भर्ना गरिएको छ ।

सोमबार अस्पतालका वरिष्ठ चिकित्सक डा. विक्रम भाटियाले भट्टराईको प्रारम्भिक परीक्षण गरेका थिए । भट्टराईले यसअघि ललितपुरको निदान अस्पतालमा उपचार गराउँदै आएका थिए । उपचारकै क्रममा भट्टराईलाई न्यूरो–इण्डोक्राइनमा ट्युमर पलाएको आशंका गरिएको छ ।

भट्टराईका प्रेस सल्लाहकार विश्वदीप पाण्डेका अनुसार नेपालमा त्यो ट्युमर घातक भएको वा नभएको नखुलेपछि निदानका चिकित्सक डा. निरज जोशीले नै भट्टराईलाई उपचारका लागि चाँडोभन्दा चाँडो दिल्ली जान सुझाएका हुन् । भट्टराईको मंगलबार दिनभरि नै स्वास्थ्य परीक्षण हुनेछ । त्यसपछि मात्र ट्युमर घातक भएको वा नभएको यकिन हुने भट्टराईले सोमबार साँझ कान्तिपुरसँगको भेटमा बताए ।

लामो समयदेखि पेटको समस्या पीडित भट्टराई थप उपचारका लागि आइतबार नयाँदिल्ली आएका हुन् । उनको साथमा श्रीमती हिसिला यमी र प्रेस सल्लाहकार विश्वदीप पाण्डे समेत छन् । उनीहरु सबै जना दिल्लीस्थित नेपाली दूतावासमै बसेका छन् ।

प्रकाशित : फाल्गुन ११, २०७७ ११:४८
पूरा पढ्नुहोस्
प्रतिक्रिया
पठाउनुहोस्
×