धुलिखेलको बानिँयाछापमा आगलागी, जलेर एक घर नष्ट 

ढुंगा माटो र जस्ताले छाएको ३ तले घरमा मंगलबार बिहान ४ बजे भएको आगलागीमा कुनै पनि मानवीय तथा चौपायाको क्षति नभएको जिल्ला प्रहरी कार्यालय काभ्रेले जनाएको छ ।

बिहान ४ बजेदेखि उक्त घरमा लागेको आगो धुलिखेल नगरपालिकाको दमकल, सुरक्षाकर्मी, स्थानीय र जनप्रतिनिधिको सहयोगमा बिहान ६:५० बजे पूर्ण रुपमा निभाइएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले जानकारी दिए ।

प्रहरीका अनुसार आगलागीबाट पिठो पिस्ने मिल, हाते ट्याक्टर, भाँडाकुँडा र अन्न गरी करिब ९ लाख रुपैयाँबराबरको क्षति भएको छ ।