बलात्कार आरोपमा १५ वर्षीय किशोर पक्राउ

जिल्ला प्रहरी कार्यालय रामेछापका अनुसार उमाकुण्ड गाउँपालिका वडा नं १ गुम्देलमा गत भदौ २३ गते महिलामाथि जबर्जस्ती करणी गरेको जाहेरीका आधारमा उनलाई पक्राउ गरिएको हो ।

पक्राउ परेका किशोरलाई रामेछाप जिल्ला अदालतबाट अनुसन्धानका लागि म्याद थप गरी जिल्ला प्रहरी कार्यालयको बाल निगरानी कक्षमा राखिएको छ ।

यसैबीच, उमाकुण्ड गाउँपालिकाकै कुभुकास्थलीका ४७ वर्षीय दिलबहादुर कार्की पनि जबर्जस्ती करणीको आरोपमा पक्राउ परेका छन् ।

प्रहरी नायव उपरीक्षक होमबहादुर पराजुलीका अनुसार उमाकुण्ड ५ प्रितीको उरमाखु पाल्टारकी २८ वर्षीया महिलालाई असोज ४ गते जबर्जस्ती करणी गरेको पीडितको जाहेरी परेपछि कार्कीलाई पक्राउ गरी आवश्यक अनुसन्धान अघि बढाइएको छ ।