नारायणगढ–मुग्लिन सडक मध्याह्नपछि एकतर्फी खुल्न सक्ने
चितवन — पहिरो झरेका कारण सोमबार साँझ ८ बजेदेखि ठप्प भएको नारायणगढ–मुग्लिन सडक आज मंगलबार मध्याह्नपछि एकतर्फी रूपमा खुल्न सक्ने भरतपुरको डिभिजन सडक कार्यालयले जनाएको छ । त्यसैले वैकल्पिक बाटो अपनाउन कार्यालयले अनुरोध गरेको छ ।
नारायणगढ–मुग्लिन सडकको इच्छाकामना–६ नान्सी पुल नजिक ठूलो पहिरो खसेपछि दुईतर्फी रूपमा नै बाटो अवरूद्ध छ । सडक कार्यालयको दुईवटा मेसिनले नारायणगढ तर्फबाट र मुग्लिन तर्फबाट निर्माण व्यावसायीको एउटा एक्स्काभेटरले पहिरो सफा गरिरहेको कार्यालयले जनाएको छ ।
थप पहिरो नआए मध्याह्नसम्म एकतर्फी रूपमा बाटो खोल्न सकिने कार्यालयका अधिकारीहरूले बताएका छन् ।
प्रतिक्रिया