नारायणगढ–मुग्लिन सडक मध्याह्नपछि एकतर्फी खुल्न सक्ने

नारायणगढ–मुग्लिन सडकको इच्छाकामना–६ नान्सी पुल नजिक ठूलो पहिरो खसेपछि दुईतर्फी रूपमा नै बाटो अवरूद्ध छ । सडक कार्यालयको दुईवटा मेसिनले नारायणगढ तर्फबाट र मुग्लिन तर्फबाट निर्माण व्यावसायीको एउटा एक्स्काभेटरले पहिरो सफा गरिरहेको कार्यालयले जनाएको छ ।

थप पहिरो नआए मध्याह्नसम्म एकतर्फी रूपमा बाटो खोल्न सकिने कार्यालयका अधिकारीहरूले बताएका छन् ।