चितवन — पश्चिम चितवनकाे राप्ती खाेलामा पाैडी खेल्न गएका बर्दियाका दुई युवकमध्ये एक जना बेपत्ता भएका छन् । अर्का एक जनाको सकुशल उद्धार गरिएको छ ।
उनीहरू दुवै जना भरतपुर महानगरपालिका-२७ मा निर्माणाधीन राइनाे हाेटलका लागि काम गरिरहेका कामदार थिए । यहाँ काम गर्न बर्दिया बारबर्दिया नगरपालिका-९ बाट उनीहरू केही समयअघि चितवन आएकाे जिल्ला प्रहरी कार्यालय चितवनले जनाएकाे छ ।
खोलामा बगेर बेपत्ता हुनेमा १९ वर्षीय राजेश चाैधरी रहेकाे चितवन जिल्ला प्रहरी कार्यालयका प्रवक्ता डीएसपी विजयराज पण्डितले जानकारी दिए ।
उनी १९ वर्षकै साथी सुन्दर चाैधरीसँग पाैडी खेल्न शुक्रबार दिउँसाे साढे १ बजेतिर राप्ती खाेलामा गएका थिए । खोलाले बगाउँदै गर्दा सुन्दरकाे भने उद्धार भएकाे छ । बेपत्ता राजेशकाे खाेजीमा विपद् उद्धारसहितकाे प्रहरी टाेली परिचालन गरिएको डीएसपी पण्डितले बताए ।
प्रकाशित : चैत्र १०, २०७९ १४:५६