सिन्धुलीमा सवारी दुर्घटना, घाइतेलाई थप उपचारका लागि काठमाडौं लगियो

प्रहरीका अनुसार सिन्धुलीमाडी–चकमके सडक अन्तर्गत आम्बोटबाट सदरमुकामतर्फ आउँदै गरेको जीप र विपरीत दिशाबाट जाँदै गरेको मोटरसाइकल बिहीबार एकआपसमा ठक्कर खाँदा दुर्घटना भएको थियो । उक्त दुर्घटनामा मोटरसाइकल चालक सख्त घाइते भएका छन् ।

सख्त घाइते भएका मोटरसाइकल चालक कमलामाई नगरपालिका–७ रामपुरका २५ वर्षीय तेजबहादुर सिंजालीलाई सिन्धुली अस्पतालमा प्राथमिक उपचारपछि हेलिकोप्टरबाट काठमाडौं लगिएको सिन्धुली प्रहरीका डिएसपी चिरञ्जिवी दाहालले जानकारी दिए । दुर्घटनापछि फरार रहेका जीपका चालकको खोजी कार्य भइरहेको प्रहरीले जनाएको छ ।