नुवाकोट विदुरमा पुस २७ गते सार्वजनिक बिदा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नुवाकोट — विदुर नगरपालिकाले यही पुस २७ गते बुधबार सार्वजनिक बिदा दिएको छ । राष्ट्रिय एकीकरण दिवसको अवसरमा पुस २७ गते नगरपालिका कार्यालय र अन्तर्गतका सम्पूर्ण वडा कार्यालय, स्वास्थ्य संस्था र सामुदायिक विद्यालयहरुमा सार्वजनिक बिदा दिने निर्णय गरेको प्रमुख प्रशासकीय अधिकृत विनोदकुमार खनालले बताए ।
![](https://assets-cdn.ekantipur.com/uploads/source/ads/900x100-1172024092759.gif)
![नुवाकोट विदुरमा पुस २७ गते सार्वजनिक बिदा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/binapa-0512023122224-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यही पुस १७ गते नगरपालिकाको बैठकको निर्णयअनुसार उक्त दिन सार्वजनिक बिदा दिने भएको विदुर नगरपालिकाले सूचनामा उल्लेख गरेको छ ।
यस्तै राष्ट्रिय शक्ति नेपालले पुस २७ गते राष्ट्रिय एकता दिवसमा सार्वजनिक बिदा दिन माग गर्दै बिहीबार जिल्ला प्रशासन कार्यालयमार्फत सरकारलाई ज्ञापनपत्र बुझाएको छ । गोरखाका राजा पृथ्वीनारायण शाहले १८०१ सालमा नुवाकोट एकीकरण गरेर नेपाल अधिराज्यको सुरुवात गरेका थिए । उनले विदुर नगरपालिका-२ पुरानो सदरमुकाम नुवाकोटडाँडामा पहिले नौतले (हाल साततले) दरबार निर्माण गर्न लगाई यहींबाट नेपालको राजधानीको रुपमा राज्य संचालन गरेका थिए । १८२५ सालमा हालको काठमाडौं (कान्तिपुर)का राजा जयप्रकाश मल्ललाई पराजित गरेपछि राजधानी काठमाडौं बनाएका थिए ।
पृथ्वीनारायण शाहको नुवाकोटडाँडामा रहेका दरबार र देहवसान भएको देवीघाटस्थित सालिकमा प्रत्येक वर्ष पुस २७ गते विविध कार्यक्रम गरी उनको योगदान र संझना गरिंदै आएको छ । नेपाल गणतन्त्र आएपछि पनि त्यस्ता कार्यक्रमहरु रोकिएका छैनन् ।
![](https://assets-cdn.ekantipur.com/uploads/source/ads/900-x-100-0172024023126.gif)