विवाह महोत्सवको तयारीमा जनकपुर- प्रदेश २ - कान्तिपुर समाचार

विवाह महोत्सवको तयारीमा जनकपुर

महिनादेखि फोहोर उठेन, दुर्गन्ध बढ्दा महोत्सव प्रभावित हुने जोखिम
कान्तिपुर संवाददाता

जनकपुर — देश–विदेशका हजारौं श्रद्धालु सहभागी हुने रामजानकी विवाह महोत्सव आगामी शुक्रबारदेखि सुरु हुँदै छ । मूल कार्यक्रम भने मंसिर २२ मा हुनेछ । जानकी मन्दिरले सार्वजनिक गरेको वैवाहिक कार्यक्रमअनुसार शुक्रबार जनकपुरधाम नगरदर्शन, शनिबार फूलबारी लीला, आइतबार धनुषयज्ञ, सोमबार तिलकोत्सव, मंगलबार मटकोर, बुधबार स्वयम्बर तथा शुभविवाह तथा बिहीबार रामकलेवाको आयोजना हुनेछ ।


महोत्सवमा राम जन्मभूमि भारतको अयोध्याबाट साधुसन्तहरू जन्तीको रूपमा आउँछन् । कार्यक्रम जानकी मन्दिर तथा ऐतिहासिक रंगभूमि मैदानमा हुनेछ ।

महोत्सवको तयारी भइरहँदा जनकपुरको बजारक्षेत्र र सडकमा भने फोहोरका डंगुर छन् । एक महिनादेखि फोहोर उठ्न नसकेको हो । फोहोर नउठेपछि झाडापखालाको संक्रमण फैलन सक्ने भन्दै स्थानीय रुष्ट छन् । अर्कातिर महोत्सव नै प्रभावित हुने जोखिम बढेको छ । जसलाई ध्यानमा राख्दै बिहीबार जानकी मन्दिर र रंगभूमि मैदानमा सफाइ गरियो । तर बजारमा थुप्रिएको फोहोर उठाउन उपमहानगरले चासो दिएको छैन । पालिकाका सफाइकर्मीले तिहारपछि नगरको फोहर उठाएका छैनन् ।

उपमहानगरका एक अधिकृतले डम्पिङ साइट नहुँदा फोहोर व्यवस्थापनमा कठिनाइ भएको बताए । जग्गाको खोजी भए पनि स्थानीयले विरोध गर्दा साइट निर्माण हुन नसकेको उनको भनाइ छ ।

प्रकाशित : मंसिर १७, २०७८ १०:२३
प्रतिक्रिया
पठाउनुहोस्

प्रधानन्यायाधीश जबरा डिस्चार्ज

कान्तिपुर संवाददाता

काठमाडौँ — प्रधानन्यायाधीश चोलेन्द्रशम्शेर जबरा डिस्चार्ज भएका छन् । कोरोना संक्रमणपछि सोमबार बलम्बुस्थित नेपाल एपीएफ अस्पतालमा भर्ना भएका जबरा शुक्रबार बिहान ९:३० बजे डिस्जार्च भएका हुन् ।

कोभिड-१९ निमोनियाका लागि अस्पताल भर्ना भएका जबरा स्वास्थ्यलाभ गरी फर्किएको अस्पतालका प्रवक्ता डा. प्रबिन नेपालले जानकारी दिए ।

प्रधानन्यायाधीश जबराले बिहीबार नै न्यायाधीश हरिकृष्ण कार्कीलाई शुक्रबार डिस्चार्ज हुने जानकारी गराएका थिए । उनले बिदा नबस्ने र सरकारी निवासबाटै काम गर्ने बताएपछि कायममुकायम प्रधानन्यायाधीशको विवाद टुंगिएको थियो ।

बुधबार कानुन व्यवसायीले कायममुकायम प्रधानन्यायाधीशबारे प्रश्न उठाएपछि इजलास प्रभावित भएको थियो । बिहीबार पनि न्यायाधीशहरू आन्तरिक छलफलमा जुटेपछि पेसी तोक्न ढिलाइ भएको थियो । बिहीबार वरिष्ठतम न्यायाधीश दीपककुमार कार्कीको एकलसहित १० वटा इजलास तोकिएको थियो । बिहीबार न्यायाधीशहरूले बन्दीप्रत्यक्षीकरणको मुद्दा मात्रै हेरेका थिए ।


प्रकाशित : मंसिर १७, २०७८ १०:१९
पूरा पढ्नुहोस्
प्रतिक्रिया
पठाउनुहोस्
×