हुन्डी कारोबारको आरोपमा नगदसहित भारतीय नागरिक पक्राउ 

रामलाई वीरगन्ज–१६ स्थित इनर्वा प्रहरी चौकीको चेकिङ टोलीले नेपाल–भारत सीमास्थित शंकराचार्य गेटमा बुधबार साँझ करिब ६ बजे पक्राउ गरेको हो । भारतको रक्सौलबाट वीरगन्जतर्फ आउँदै गरेको प्रदेश ३–०२–०११ प ८६२७ नम्बरको मोटरसाइकल रोकी जाँच गर्दा रामले प्लास्टिकको झोलाभित्र लुकाई छिपाई राखेको स्रोत नखुलेको ९ लाख ५० हजार रुपैयाँ बरामद भएको थियो ।

रामलाई बैंक तथा वित्तीय संस्थासम्बन्धी ऐन, २०७३ विरुद्धको कसुरमा पर्सा जिल्ला अदालतबाट ७ दिनको म्याद थप गरी अनुसन्धान अघि बढाइएको जिल्ला प्रहरी कार्यालयका प्रवक्ता डीएसपी ओमप्रकाश खनालले जानकारी दिए ।