कोरोनाविरुद्धको खोप फार्मेसीमा भेटियो

बिहीबार नगरपालिकाले गरेको अनुगमनमा धनुषाको सहिदनगर नगरपालिका–३ यदुकुहास्थित प्राथमिक स्वास्थ्य केन्द्रअगाडिको श्रीराम मेडिकलमा खोप फेला पारिएको नगर प्रमुख उदय बरबरियाले बताए ।

‘६ भाइल खोप फेला परेको छ । जसमध्ये भेरोसेल ४ भाइल, जानसेन र अस्ट्राजेनेका १/१ भाइल छन्,’ उनले भने । नगरपालिकालाई पठाएको खोप भेटाइएपछि फार्मेसी सञ्चालक कमलेश मण्डललाई पक्राउ गरिएको प्रहरी नायब उपरीक्षक जितेन्द्र बस्नेतले बताए ।