हुन्डी कारोबारको आरोपमा वीरगन्जमा दुई जना पक्राउ- प्रदेश २ - कान्तिपुर समाचार

हुन्डी कारोबारको आरोपमा वीरगन्जमा दुई जना पक्राउ

शंकर आचार्य

पर्सा — प्रहरीले हुन्डी कारोबारको आरोपमा वीरगन्जबाट दुई जनालाई पक्राउ गरेको छ । पक्राउ पर्नेमा वीरगन्ज महानगरपालिका–६ माईस्थान चोकका कन्हैयाप्रसाद सोनार र बारा परवानीपुर–३ का दीपककुमार सोनार छन् ।

उनीहरूलाई माईस्थान चोकस्थित कन्हैयाप्रसादकै घरमा सञ्चालित जेपी ज्वेलरीबाट बुधबार साँझ नियन्त्रणमा लिइएको हो । कन्हैया पसलका सञ्चालक र दीपक कर्मचारी हुन् ।

उक्त पसलमा अवैध वित्तीय कारोबार भइरहेको सूचनाका आधारमा जिल्ला प्रहरी कार्यालयको टोलीले खानतलासी गर्दा स्रोत नखुलेको ३८ लाख ५१ हजार १ सय रुपैयाँ बरामद भएको थियो । उनीहरूविरुद्ध बैंक तथा वित्तीय संस्थासम्बन्धी ऐन २०७३ विरुद्धको कसुरमा अनुसन्धान अगाडि बढाइएको जिल्ला प्रहरी कार्यालयका प्रवक्ता डीएसपी ओमप्रकाश खनालले जानकारी दिए ।

प्रकाशित : भाद्र ३१, २०७८ १३:०२
प्रतिक्रिया
पठाउनुहोस्

नेप्सेमा ७७ अंकको पहिरो, सवा ४ अर्बको सेयर कारोबार

कान्तिपुर संवाददाता

काठमाडौँ — बिहीबार बजार खुलेदेखि नै घट्न थालेको नेप्से करिब पौने २ घण्टामा ७७ अंक घटिसकेको छ ।


जसअनुसार १२ः४७ बजेसम्म समग्र नेप्से २ हजार ८ सय १२.४५ विन्दुमा झरिसकेको छ । गिरावटको क्रम अझै तीव्र बन्दै गएको छ ।

१२ः४७ बजेसम्म नेप्सेमा करिब सवा ४ अर्बको मात्र कारोबार भएको छ । कारोबारमा आएका सबै सूचकहरु राताम्मे बनेका छन् ।


प्रकाशित : भाद्र ३१, २०७८ १२:५५
पूरा पढ्नुहोस्
प्रतिक्रिया
पठाउनुहोस्
×