जंगली हात्तीले स्थानीय आजित- प्रदेश २ - कान्तिपुर समाचार

जंगली हात्तीले स्थानीय आजित

कान्तिपुर संवाददाता

सर्लाही — चार महिनाअघि सर्लाहीको चुरे क्षेत्रमा देखिएका जंगली हात्तीले पाक्नै लागेको धानबाली खाएर नष्ट पारेको छ । आइतबार र सोमबार राती मात्र तीनवटा जंगली हात्तीले ईश्वरपुर नगरपालिका–१४ गौरीशंकरमा झण्डै एक बिघाको धान खाएर सखाप पारेको छ ।

हात्तीले स्थानीय रणकुमार सुनुवार, पृथ्वीबहादुर सुनुवार लगायतको धान खाएको हो । लामो समय भइसक्दा पनि हात्ती नियन्त्रणमा आउन सकेको छैन ।

‘दुई रातदेखि हात्ती आएर खेतमा पाकेर झुल्न थालेको धान खाएको छ, उज्यालो भइसकेपछि हात्तीको समूह फेरी जंगल नै पस्यो,’ किसान पृथ्वीबहादुरले भने, ‘धान खाइदिँदा हामी मर्कामा परेका छौं ।’

हात्तीको समुहले यसअघि पनि पटक–पटक लालबन्दी, हरिवन र ईश्वरपुर आसपासका क्षेत्रमा बालीमा क्षति पुर्‍याउँदै आएको थियो । पछिल्लो समय सागरनाथ वन विकास परियोजनाको जंगलसँग टाँसिएको श्रीनगर, हरकठवा, सागरनाथलगायत क्षेत्रमा पनि बालीनाली नष्ट गर्न थालेका छन् । यसरी जंगली हात्ती पटक–पटक बस्ती तथा खेतबारीमा आउँदा स्थानीय त्रसित छन् । उनीहरूले निर्धक्कसँग बस्नै नसकेको जनाएका छन् ।

प्रकाशित : भाद्र ३१, २०७८ १२:५१
प्रतिक्रिया
पठाउनुहोस्

इन्टर्नसिप गर्न पाउनुपर्ने भन्दै चीनमा अध्ययन गरेका चिकित्साशास्त्रका विद्यार्थीहरूको प्रदर्शन [तस्बिरहरू]

तस्बिर : अंगद ढकाल, तस्बिर : केशव थापा

काठमाडौँ — सन २०१४ मा चीनमा चिकित्साशास्त्रको स्नातक तह अध्यन पूरा गरी नेपालमा इन्टर्नसिप सक्न नपाएका विद्यार्थीले चिकित्सा शिक्षा आयोगले छिटो भन्दा छिटो इन्टर्नसीप पूरा गराउनुपर्ने माग राखेका छन् । बाँकी रहेको इन्टर्नसीपका लागि चाँडोभन्दा चाँडो इजाजत दिनुपर्ने माग राख्दै उनीहरुले बिहीबार राजधानीको माइतीघरमा प्रदर्शन गरेका छन्। २०१४ ब्याचका १५६ जना विद्यार्थीहरु कोभिडका कारण इन्टर्नसिप पूरा नगरी नेपाल फर्केका थिए ।


प्रकाशित : भाद्र ३१, २०७८ १२:४१
पूरा पढ्नुहोस्
प्रतिक्रिया
पठाउनुहोस्
×