२०.१२°C काठमाडौं
घर–आँगनमा बाढी पसेपछि...
कोईलाडी बरसाइन, सप्तरी — सप्तरीको तिलाठी कोईलाडी गाउँपालिका वडा नम्बर–७ मंसापुरमा जिता नदीको पश्चिमी तटबन्ध भत्किँदा मंगलबार बिहान वडा नम्बर–५ को कोईलाडी बरसाइनका १ सय ५० घरमा पानी पसेको छ । स्थानीयहरु घरको खाटमा र नजिकैको अग्लो स्थानमा शरण लिइरहेका छन् ।
एकाबिहानै घर–आँगन भएर खोला बग्न थालेपछि स्थानीयको बिजोग छ । उनीहरुले खाना खान पाएका छैनन् ।
बालबच्चा र वृद्धवृद्धालाई झन् समस्या छ । चारैतिर पानी नै पानी भएपछि चौपायालाई राख्नसमेत समस्या भएको छ ।
बाढीले बिहानदेखि दिउँसोसम्म ६ वटा घर ढलेको छ ।
खानेपानीको ट्युबवेलहरु डुबेकाले सबभन्दा ठूलो समस्या खानेपानीको रहेको स्थानीय बताउँछन् ।
प्रतिक्रिया
