तराईका ५ जिल्लामा जसपा ठाकुर समूहको भेला 

नेता जितेन्द्र सोनलकाअनुसार सम्पूर्ण लोकतन्त्रवादी, पहिचानवादी, मधेसवादी शक्तिहरुलाई संगठित गरेर चुनावमा सहभागी हुने रणनीतिका साथ अघि बढ्न अगुवा भेलाको अभियान सुरु गरिएको छ ।

‘हाम्रो आधिकारिताबारे सर्वोच्चमा मुद्दा जारी छ, फैसला नभएसम्म हामी पनि जसपा नै हौं,’ सोनलले बाराको कलैयामा भएको भेलामा भने, ‘सांगठनिक, संघर्ष र चुनावी मोर्चा गरेर अगाडि बढ्दै छौं ।’ देशमा चुनावी माहौल बन्दै गएकोले हामी मोर्चाबन्दी गर्न खोजिरहेको उनले बताए ।

भेलामा लक्ष्मणलाल कर्णले जसपा आधिकारिताका लागि हाम्रो कानुनी लडाइँ जारी रहेकोले कार्यकर्तालाई विचलित नहुन आग्रह गरे ।