बाराबाट ठूलो परिमाणमा लागूऔषध बरामद

श्रावण १०, २०७८लक्ष्मी साह

बारा — सीमामा खटिएका सशस्त्र प्रहरीले ठूलो मात्रामा लागूऔषध बरामद गरेको छ ।

भारतबाट नेपाल ल्याइँदै गरिएको प्रतिबन्धित २७ सय १६ थान लागूऔषध (सुई) शनिबार बरामद गरिएको सशस्त्र प्रहरी उपरीक्षक रविनराज कर्णजीतले बताए ।

उनकाअनुसार सीमावर्ती विश्रामपुर गाउँपालिका–१ कल्याणपुर गाउँबाट भारतको विहार राज्यअन्तर्गत मोतिहारी जिल्लामा पर्ने आदापुरभवानीपुर घरभई भरियाको काम गर्दै आएका १८ वर्षीय सन्तोषकुमार रजक लागू औषधसहित पक्राउ परेका हुन् । उनको साथबाट २/२ एमएलको डाइजोपाम ८ सय ९०, नर्फिन ९ सय १ र फेनारगन ९ सय २५ थान सुईसहित बीआर ०५ वाई २७५२ नम्बरको मोटरसाइकलसमेत बरामद गरिएको हो ।