२ सय ४७ केजी गाँजा बरामद
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पर्सा — पर्सा प्रहरीले सोमबार २ सय ४७ केजी गाँजा बरामद गरेको छ । मालबाहक ट्रकबाट उक्त मात्रामा गाँजा बरामद भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![२ सय ४७ केजी गाँजा बरामद](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/1-1-1272021014925-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जिल्ला प्रहरी कार्यालय पर्साका अनुसार वीरगन्ज महानगरपालिका–२५ स्थित एकीकृत सुरक्षा जाँच चौकी (आईसीपी) गेट नजिक एच आर ५५ एम २२०९ नम्बरको भारतीय कन्टेनर ट्रकबाट गाँजा बरामद भएको हो ।
हेटौंडाबाट पर्सा हुँदै भारततर्फ उक्त ट्रकमा गाँजा लैजान लागिएको सूचनाको आधारमा आईसीपी गेटमा ट्रकलाई रोक्दा चालकले ट्रकलाई छोडेर फरार भएका थिए । सूचनाको आधारमा २४ घण्टादेखि ट्रकको निरन्तर निगरानी गरिएको र ट्रकलाई रोक्न खोज्दा गाडी रोकी ट्रक छोडेर चालक फरार भएको जिल्ला प्रहरी कार्यालयका प्रवक्ता डिएसपी ओमप्रकाश खनालले जानकारी दिए ।
ट्रकको कन्टेनरको च्याम्बर खोली जाँच गर्दा रातो प्लास्टिकमा बेरेर प्याकेट गरिएको अवस्थामा राखिएको २३ वटा पोकाभित्र २ सय ४७ किलो गाँजा फेला परेको उनले बताए । ट्रकलाई गाँजासहित बरामद गरी लागूऔषध सम्बन्धी कसूरमा अनुसन्धान अगाडि बढाइएको तथा ट्रकको सवारी धनी र चालकको तदारूकताका साथ खोजतलास भइरहेको उनले बताए ।
विगतमा पनि यसरी पटकपटक मकवानपुरबाट पर्सातर्फ आउने मालबाहक सवारी साधनहरुबाट गाँजा र चरेसजस्ता लागूऔषध बरामद हुँदै आएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)