पोखरीमा डुबेर दुईको मृत्यु
राजविराज — पोखरीमा डुबेर सप्तरीको कञ्चनरुप नगरपालिकामा बुधबार दुईजनाको मृत्यु भएको छ ।
बिहीबार दिउँसो टोल नजिकैको पोखरीमा नुहाउन गएका बेला कञ्चनरुप नगरपालिका ९ बिष्णु मन्दिर टोलकी २० वर्षीया कुन्ती सरदार र १३ वर्षीया रोसनी सरदारको डुबेर मृत्यु भएको जिल्ला प्रहरी कार्यालयका डीएसपी माधवप्रसाद काफ्लेले जानकारी दिए ।
नुहाउन गएका बेला पोखरीमा दुवैजना डुबेको थाहा पाएपछि गम्भीर अवस्थामा उनीहरुलाई निकाली उपचारका लागि राजविराजस्थित गजेन्द्रनारायण सिंह अस्पताल ल्याइएको र उपचारका क्रममा दुवै जनाको मृत्यु भएको डीएसपी काफ्लेले बताए ।
प्रकाशित : जेष्ठ ५, २०७८ २०:०१प्रतिक्रिया