प्रयोगमा नआउँदै भेन्टिलेटर बन्द- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

प्रयोगमा नआउँदै भेन्टिलेटर बन्द

कान्तिपुर संवाददाता

राजविराज — सप्तरीको राजविराजस्थित गजेन्द्रनारायण सिंह अस्पतालमा एक साता अगाडि जडान गरिएको भेन्टिलेटर बिरामी नराख्दै बन्द भएको छ ।

सप्तरीको राजविराजस्थित गजेन्द्रनारायण सिंह अस्पतालमा आइतबारदेखि सञ्चालित एचडीयू । तस्बिर : अवधेशकुमार/कान्तिपुर

प्राविधिक समस्या र स्वास्थ्यकर्मीहरू नै संक्रमित भएपछि उक्त सेवा तत्कालका लागि बन्द भएको हो । अस्पतालमा ४ वटा भेन्टिलेटरसहितको २५ शय्याको एचडीयू (हाई डिपेन्डेन्ट युनिट) गत वैशाख १९ गतेदेखि सञ्चालनमा ल्याइएको थियो ।

अहिले ती सबै शय्यामा कोरोना संक्रमित उपचाररत छन् । उनीहरूको हाई फ्लो अक्सिजनमा उपचार भइरहेको अस्पतालका मेडिकल सुपरिन्टेन्डेन्ट डा. रन्जितकुमार झाले जानकारी दिए । उनले तत्काल भेन्टिलर सञ्चालन नहुने बताए । भेन्टिलेटर बन्द हुँदा गम्भीर प्रकृतिका बिरामीले फेरि विराटनगर र धरानकै भर पर्नुपर्ने भएको छ । त्यहाका भेन्टिलेटर खाली नहुने समस्या छ ।

राजविराज नगरपालिकाका प्रमुख शम्भुप्रसाद यादवले अस्पतालको भेन्टिलेटर चलाउन आवश्यक तयारी गरिरहेको बताए । उनले तत्कालका लागि राजविराजकै दुई निजी अस्पताल छिन्नमस्ता र युनिकका भेन्टिलेटर प्रयोग गर्ने गरी व्यवस्थापन भइरहेको जनाए ।

प्रकाशित : वैशाख ३०, २०७८ ११:०२
प्रतिक्रिया
पठाउनुहोस्

कोरोना संक्रमणबाट बाँकेमा थप ९ जनाको मृत्यु

रूपा गहतराज

काठमाडौँ — बाँकेमा कोरोना संक्रमणबाट मृत्यु हुनेको संख्या बढ्दै गएको छ । बाँकेका दुई अस्पतालमा बुधबार रातिदेखि बिहानसम्म थप ९ जनाको मृत्यु भएको बाँकेका कोरोना फोकल पर्सन तेज वलीले बताए ।

जिल्ला कोभिड–१९ संकट व्यवस्थापन केन्द्र, बाँकेका फोकल पर्सन वलीका अनुसार बाँके, बर्दिया र दाङका ९ जना कोरोना संक्रमितको मृत्यु भएको हो ।

नेपालगन्ज उपमहानगरपालिका–१ की ४३ वर्षीया महिलाको भेरी अस्पतालमामा मृत्यु भएको छ । उनलाई १९ गते अस्पताल भर्ना गरिएको थियो । बर्दिया राजापुर नगरपालिका–६ की ५६ वर्षीया महिलाको भेरी अस्पतालमै मृत्यु भएको छ । उनलाई २९ गते भर्ना गरिएको थियो । गुलरिया नगरपालिका–८ की ३२ वर्षीया महिलाको पनि भेरी अस्पतालमा मृत्यु भएको छ । उनलाई वैशाख १७ गते भर्ना गरिएको थियो ।

दाङ तुलसीपुर उपमहानगरपालिका–६ का ४३ वर्षीय पुरुषको कोहलपुर मेडिकल कलेजमा मृत्यु भएको छ । उनलाई २९ गते भर्ना गरिएको थियो ।

यस्तै बैजनाथ गाउापालिका–६ का ६४ वर्षीय पुरुषको कोहलपुर मेडिकल कलेजमा मृत्यु भएको छ । उनलाई १९ गते अस्पताल भर्ना गरिएको थियो ।

दाङ तुलसीपुर उपमहानगरपालिका–५ की ३५ वर्षीया महिलाको कोहलपुर मेडिकल कलेजमा मृत्यु भएको छ । उनलाई २९ गते अस्पताल भर्ना गरिएको थियो ।

यसैगरि, डुडुवा गाउँपालिका–३ की ५० वर्षीया महिलाको नेपालगन्ज मेडिकल कलेजमा मृत्यु भएको छ । उनलाई वैशाख २८ गते भर्ना गरिएको थियो ।

नरैनापुर गाउँपालिका–५ का ४२ वर्षीय पुरुषको नेपालगन्ज मेडिकल कलेजमा मृत्यु भएको छ । उनलाई वैशाख २८ गते भर्ना गरिएको थियो ।

यस्तै, नेपालगन्ज उपमहानगरपालिका–१२ की ७५ वर्षीया महिलाको नेपालगन्ज मेडिकल कलेजमा मृत्यु भएको छ । उनलाई वैशाख २८ गते भर्ना गरिएको थियो ।

यो सँगै बाँके जिल्लाको मृत्यु संख्या २१३ र अन्य जिल्लाबाट उपचारका लागि आएकाहरुको मृत्यु संख्या १६३ पुगेको छ ।

प्रकाशित : वैशाख ३०, २०७८ १०:५८
पूरा पढ्नुहोस्
प्रतिक्रिया
पठाउनुहोस्
×