सप्तरीबाट चन्द समूहका ‘जनसत्ता प्रमुख’सहित ३ जना पक्राउ- प्रदेश २ - कान्तिपुर समाचार

सप्तरीबाट चन्द समूहका ‘जनसत्ता प्रमुख’सहित ३ जना पक्राउ

अवधेशकुमार झा

सप्तरी — सप्तरी प्रहरीले शुक्रबार राति नेत्रविक्रम चन्द समूहका जिल्ला जनसत्ताप्रमुखसहित ३ जनालाई पक्राउ गरेको छ ।

जिल्ला प्रहरी कार्यालय सप्तरीका प्रहरी डीएसपी भुवनेश्वर साहका अनुसार पक्राउ पर्नेहरुमा खडग नगरपालिका–३ बानरझुला बस्ने सो समूहका सप्तरी जिल्ला जनसत्ता प्रमुख रामनाथ मण्डल, सप्तरी जिल्ला राजविराज–४ का उदय भनिने उदयनाथ मण्डल तथा सप्तरी सिरहा सदस्य बिष्णुपुर गाउँपालिका १ का रामकृष्ण मण्डल रहेका छन् ।

सप्तरी प्रहरीले राजविराजस्थित घरबाटै उदय मण्डललाई शुक्रबार साँझ पक्राउ गरेको थियो । त्यसपछि थप दुई जनालाई पनि शुक्रबार राति नै नियन्त्रणमा लिएका डीएसपी साहले बताए ।

पक्राउ परेकाकाहरु प्छिल्लो समय विभिन्न व्यवसायी, कार्यालय प्रमुख र जनप्रतिनिधिलाई चन्दा माग गर्ने, धम्की दिने गरेको सूचना आएपछि निगरानीमा राखिएको र उनीहरुका बारेमा आएको सूचना सत्य पाइएपछि नियन्त्रणमा लिएको डीएसपी साहले बताए । उनीहरुबाट चन्दा माग गर्न प्रयोग गर्ने सिमसहितको १ थान मोबाइल, अन्य सीमासहितको ३ थान मोबाइल र केही दस्तावेजहरु बरामद गरिएको साहले बताए ।

प्रकाशित : फाल्गुन १५, २०७७ १३:१२
प्रतिक्रिया
पठाउनुहोस्

कांग्रेस नेता नवीन्द्रराज जोशीको स्वास्थ्य अवस्थामा सामान्य सुधार

शरीरको दाहिने भाग चल्न थाले पनि खतरामुक्त भने नभएको चिकित्सकको भनाइ
कान्तिपुर संवाददाता

काठमाडौँ — कांग्रेस नेता तथा पूर्व उद्योगमन्त्री नेता नवीन्द्रराज जोशीको स्वास्थ्य अवस्थामा सामान्य सुधार देखिएको छ ।  जोशीको उपचारमा संलग्न नर्भिक अस्पतालका न्युरोसर्जन डा. राजीव झाका अनुसार शुक्रबारको तुलनामा उनको स्वास्थ्य अवस्थामा सामान्य सुधार देखिए पनि खतरामुक्त भने छैन ।

शनिबार बिहान जोशीको शरीरको दायाँ भाग चल्न थालेको डा. झाले बताए । शनिबार बिहानदेखि बेहोस बनाउने औषधि चलाउन छोडेको पनि उनले बताए । ‘आज हामीले न्युरोलोजी एसेस गरेका छौं । बिहानदेखि बेहोस बनाउने औषधि चलाउन छाडेका छौं । आज उहाँको स्पोन्टेनियस रेस्पिरेसन(आफैले श्वास फेरेको) रेट ६–७ वटा छ । सामान्यतया हुनुपर्ने १२-१५ वटा हो । उहाँमा यो ५० प्रतिशत देखिएको छ ।’

त्यस्तै दायाँपट्टिको भाग र हातखुट्टा चले पनि बायाँ भागमा भने प्यारालाइसिस भएको डा. झाले बताए । ‘शनिबार बिहानदेखि दायाँपट्टिको शरीरको भाग हातखुट्टाहरु चल्न थालेका छन् । देब्रेपट्टि प्यारालाइसिस भएकै देखिन्छ । बाँकी प्यारामिटरहरु ठीकै ठीकै छ । उहाँ कोमामै हुनुहुन्छ । अवस्था अलि गम्भीर नै छ । हिजोभन्दा केही सुधार भएको देखिन्छ तर खतरामुक्त भने हुनुहुन्न,’ उनले भने ।

जोशीलाई बिहीबार राति मस्तिष्कघात भएपको थियो । अहिले उनको नर्भिक अस्पतालको आईसीयूको भेन्टिलेटरमा राखेर उपचार गरिँदैछ । शुक्रबार टाउकोको सिटिस्क्यान गर्दा दिमागमा रगत र पानी जमेको पाइएको पनि डा. झाले बताएका थिए । शुक्रबार बिहान टाउकोमा जमेको पानी निकाल्न एक्स्टर्नल भेन्ट्रिकुलर ड्रेन (ईभीडी) राखिएको र १ सय ३० एमएल जति पानी निकालिएको पनि डा. झाले बताए ।

सम्बन्धित समाचार

प्रकाशित : फाल्गुन १५, २०७७ १२:४६
पूरा पढ्नुहोस्
प्रतिक्रिया
पठाउनुहोस्
×