सवारी दुर्घटनामा २ जनाको मृत्यु
सिरहा — पूर्वपश्चिम राजमार्ग अन्तर्गत सिरहाको प्रयागपुर खण्डमा शुक्रबार राति मोटरसाइकल र बस ठोक्किँदा दुई जनाको मृत्यु भएको छ ।
इलाका प्रहरी कार्यालय मिर्चैयाका अनुसार मोटरसाइकल र यात्रुबाहक बस ठोक्किँदा मोटरसाइकलमा सवार धनुषा सबैला नगरपालिका–१३ का सचिन महतो र सुशिल महतोको मृत्यु भएको हो ।
धनुषाबाट पूर्वतर्फ ज ८ प ६४८४ नम्बरको मोटरसाइकलमा जन्ती गइरहेको बेला विपरीत दिशाबाट आइरहेको ना ५ ख ५२५४ नम्बरको यात्रुबाहक बसले ठक्कर दिँदा दुई जनाको मृत्यु भएको प्रहरीले जनाएको छ ।
प्रहरीका अनुसार ठक्कर दिने बसलाई धनुषाको ढल्केबरबाट नियन्त्रणमा लिइएको छ ।
प्रकाशित : माघ १०, २०७७ ०९:२०प्रतिक्रिया