यातायात व्यवस्था कार्यालय लहानले मंगलबारबाट अस्थायी सवारी चालक अनुमतिपत्र बितरण कार्य सुरु गरेको छ । सवारी ट्रायल परीक्षा उत्तीर्ण गरेपनि सेवग्राहीहरुले स्मार्ट लाइसेन्स कार्डको लागि एक वर्ष कुर्नुपर्ने झन्झट अब अन्त्य भएको कार्यालयले जनाएको छ ।
सिरहाका छुट्टाछुट्टै स्थानमा करेन्ट लागेर दुईजनाको मृत्यु भएको छ । प्रहरीका अनुसार लहान नगरपालिका–९ का ५० वर्षीय जोगिन्दर साह र भगवानपुर गाउँपालिका–५ का ४५ वर्षीय देव नारायण यादवको सोमबार करेन्ट लागेर मृत्यु भएको हो ।
अन्तर्राष्ट्रिय गैरसरकारी संस्था ‘हेल्पिङ ह्यान्ड फर रिलिफ एन्ड डेभलपमेन्ट’ को नेपाल कार्यालयले सिरहाका दुई अस्पताललाई ६५ लाख रुपैयाँभन्दा बढीका स्वास्थ्य सामग्री तथा उपकरणहरू सहयोग गरेको छ ।
सिरहाको मिर्चैयाका एक व्यवसायीमाथि शनिबार राति गोली प्रहार भएको छ । तीन–चार जनाको संख्यामा आएको हतियारधारी समूहले मिर्चैया नगरपालिका–५ का ३९ वर्षीय रामसागर साफीलाई गोली हानेको हो ।
सिरहाको लहान नगरपालिका–१५ लग्राहास्थित सिंगो दलित मुसहर बस्तीमा ज्वरोको प्रकोप फैलिएको छ । सिंगो बस्तीमा दुई सातादेखि फैलिएको ज्वरोको प्रकोपबाट काखे बच्चादेखि वृद्धवृद्धासम्म थलिएका छन् । ज्वरोबाट एकै घरका ६ जनासम्म थलिएका छन् ।
सिरहामा बिहीबारदेखि लागू हुने गरी खाद्यान्न पसलबाहेक हाटबजार तथा व्यवसाय बन्द हुने भएको छ । जिल्लामा कोरोना संक्रमणको बढ्दो स्थितिलाई मध्यनजर गर्दै डीसीसीएमसीको मंगलबारको बैठकले यस्तो निर्णय गरेको हो ।
सिरहाका विभिन्न स्थानका युवाबाट लाखौं रकम ठगी गरी सप्तरीका एक जना फरार भएका छन् । विदेशमा आकर्षक तलबसहितको रोजगारी दिलाइदिने प्रलोभन देखाई सप्तरीको रुपनी गाउँपालिका–६ का समसुद्धिन मियाँले लाखौं रकम ठगी गरी फरार भएको जिल्ला प्रशासन कार्यालय सप्तरीमा बुझाइएको उजुरीपत्रमा उल्लेख छ ।
