गाईघाट–दिक्तेल सडकको ठेक्का रद्द गर्ने उच्च अदालतको फैसला

देवनारायण पवन–मैनाचुली–खाम्पाचे जेभीले काम अलपत्र परेपछि गाईघाट–दिक्तेल सडक योजनाको कार्यालय उदयपुरले २०७९ पुस ८ गते ठेक्का तोड्ने निर्णय गरेको थियो ।

उच्च अदालत पाटनका न्यायाधीश टेकप्रसाद ढुंगाना र गोकर्ण डाँगीको संयुक्त इजलासले असोज १० गते खारेज गर्ने फैसला सुनाएको हो । यसले अर्को टेन्डर खुलाउाने बाटो खुलेको गाईघाट दिक्तेल सडक योजनाको कार्यालय उदयपुरका योजना प्रमुख गोपालप्रसाद खकुरेलले बताए । अर्को टेन्डर गरेर कालोपत्रे गर्ने क्रममा लाग्ने खर्च निर्माण व्यवसायीले बेहोर्नुपर्ने भएकाले निर्माण कम्पनीले आयोजनाको ठेक्का तोड्ने निर्णयविरुद्ध २०७९ पुस १९ गते उच्च अदालतमा मुद्दा दायर गरेका थिए ।

मुद्दा दायरपछि उच्च अदालतले अन्तिम फैसला नभएसम्मका लागि सडक कालोपत्रेको ठेक्का तोड्ने निर्णय कार्यान्वयन नगर्नु भनी २०७९ माघ ४ गते अन्तरिम आदेश दिएको थियो । तर अन्तिम फैसला भने आयोजनाले गरेको निर्णयको पक्षमा भएको छ ।