१३ कुने सिमसार महोत्सव

पर्यटन क्षेत्रको रूपमा विकास भइरहेको १३ कुने सिमसारको प्रवर्द्धन गर्दै राष्ट्रिय तथा अन्तर्राष्ट्रियस्तरमा प्रचार गर्ने उद्देश्यले पहिलो पटक महोत्सवको आयोजना गरिएको हो । महोत्सवमा रूख घर, आकासे घरबाट दृश्यावलोकन गर्ने व्यवस्थासमेत गरेको थियो ।

पुस ८ देखि ४ दिनसम्म चलेको महोत्सवमा राई, लिम्बू, सुनुवार र मुन्डा उराउको सांस्कृतिक झाँकी प्रतियोगिता र भलिबल प्रतियोगितासमेत भयो । प्रतियोगितामा सुनुवार समाज प्रथम र उराउ मुन्डा द्वितीय तथा खुल्ला भलिबल प्रतियोगितामा गुनमुने स्पोर्टिङ क्लब प्रथम र वाई सि एल भलिबल संघ माई द्वितीय भएको थियो ।

महोत्सव आयोजना तेह्रकुने सिमसार व्यवस्थापन समिति र स्थानीय बरभन्ज्याङ सामुदायिक वन उपभोक्ता समूहले गरेका थिए ।