![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाँचथर — पाँचथरको रानिटारमा सोमबारदेखि एक नम्बर प्रदेश स्तरीय महिला फुटबल प्रतियोगिता सुरु भएको छ । उद्घाटन खेलमा आयोजक रानिटार युनाइटेड तेह्रथुमको आठराई महिला फुटबल क्लबलाई ४–० गोलले हराउँदै विजयी भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पाँचथरमा प्रदेश स्तरीय महिला फुटबल प्रतियोगिता सुरु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/sports/mahila-football1-27122021020547-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
रानिटारका तर्फबाट प्रमिला राईले ३ गोल गरिन् भने मनिता तुम्रोकले अर्को एउटा गोल थपिन् ।
सोमबार नै भएको दोस्रो खेलमा मोरङ महिला फुटबल क्लबलाई ट्राइब्रेकरमा ४–५ गोल अन्तरले हराउँदै द सेभेन युथ क्लब धनकुटा विजयी भएको छ । तमु ल्होछारको अवसरमा रानिटार युनाइटेडले आयोजना गरेको प्रतियोगितामा प्रदेश १ का ८ टिम सहभागी छन् ।
मंगलबार कन्काइ नगरपालिका महिला फुटबल टिम झापा र द सेभेन युथ क्लब ताप्लेजुङबीच दिउँसो १ बजे तथा कर्णसिंह सोनाम फुटबल क्लब ताप्लेजुङ र बिर्तामोड फुटबल क्लबबीच ३ बजे प्रतिस्पर्धा हुने आयोजकले जनाएको छ ।
फाइनल खेल माघ १६ गते हुने तालिका छ । प्रतियोगिताका विजेताले ८० हजार र उप विजेताले ५० हजार नगदसहित ट्रफि, मेडल र प्रमाणपत्र पाउने छन् ।
![](https://assets-cdn.ekantipur.com/uploads/source/ads/900-x-100-0172024023126.gif)