पाँचथरका उच्च पहाडी र हिमाली क्षेत्रमा हिमपात
पाँचथर — पाँचथरका उच्च पहाडी क्षेत्रमा शनिबार दिउँसो हिमपात भएको छ । भारत र सिक्किमसँगका सिमावर्ती फालौट, चिवाभञ्ज्याङ, लामपोखरी, तिम्वुङ पोखरी र पहाडेमेगु क्षेत्रमा दिउँसोदेखि हिमपात भएको हो ।
साँझसम्मै हिमपात जारी रहेको स्थानीयले बताएका छन् । हिमपात सुरु भएसँगै यस क्षेत्रमा चिसो बढेको फलैंचाका स्थानीय सन्तकुमार बेघाले जानकारी दिए ।
सिक्किमसँगका सिमावर्ती चिवाभञ्ज्याङ र लामपोखरीसँगै पश्चिम बंगालसँगका सिमावर्ती फालौट क्षेत्रमा रहेका सशस्त्र प्रहरी बस्ने बोर्डर आउटपोष्टहरूमा रहेका सुरक्षा बेसक्याम्प पनि हिउँमय भएका छन् ।
प्रकाशित : पुस १०, २०७८ २१:२८प्रतिक्रिया