पाँच देशबाट आएका नागरिकलाई पाँचथरमा प्रवेश प्रतिबन्ध- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

पाँच देशबाट आएका नागरिकलाई पाँचथरमा प्रवेश प्रतिबन्ध

लक्ष्मी गौतम

पाँचथर — कोभिड १९ संकट व्यवस्थापन केन्द्र (डिसिएमसी) पाँचथरले अफ्रिकासहित ओम्रिकन नामक नयाँ भेरिएन्टको संक्रमण देखिएका मुलुकहरूबाट आएका नागरिकलाई जिल्ला प्रवेशमा रोक लगाएको छ ।

ओम्रिकन भेरिएन्टका संक्रमित छिमेकी मुलुक भारतसहित नेपालमा पनि देखा पर्न थालेपछि जिल्ला प्रशासन कार्यालयमा बसेको बैठकले अफ्रिका, बोल्सवाना, जिम्बाब्बे, लेसोयो, इस्वातिको, लगायतका मुलुकबाट फर्किएका नागरिकलाई मंसिर १९ गते मध्यरातदेखि जिल्ला प्रवेशमा रोक लगाएको हो ।

तीन महिनायता ती मुलुकबाट काम गरेर फर्किएकासँगै भ्रमण गरेर आएका नागरिकलाई पनि जिल्ला प्रवेशमा रोक लगाइएको जिल्ला प्रशासन कार्यालय पाँचथरले जनाएको छ ।

बैठकले ओम्रिकनसहितका कोरोनाको जोखिम भएका मुलुकबाट फर्किएकाको अनिवार्य पीसीआर परीक्षण गर्ने र जिल्ला प्रवेश गर्ने सबै नागरिकको विवरण नाकाहरूमा राख्नुका साथै सबैखाले कार्यालय र संघ संस्थाले स्वास्थ्य मापदण्ड पालना गरेर सेवा प्रवाह गर्ने निर्णय गरेको प्रमुख जिल्ला अधिकारी सुरेश न्यौपानेले जानकारी दिए । उनका अनुसार बैठकले सबै स्थानीय तह र स्वास्थ संस्थालाई पूर्वतयारीका लागि सचेत रहन आग्रहसमेत गरेको छ ।

प्रकाशित : मंसिर २०, २०७८ १८:०९
प्रतिक्रिया
पठाउनुहोस्

१९ वर्षीया किशोरी कांग्रेसको प्रदेश महाधिवेशन प्रतिनिधि

लक्ष्मी गौतम

पाँचथर — नेपाली कांग्रेस पाँचथरको अधिवेशनले १९ वर्षीय किशोरीलाई प्रदेश महाधिवेशन प्रतिनिधिमा चयन गरेको ।

हिलिहाङ ६ भारपाकी भावना रिजाललाई कांग्रेसले प्रदेश प्रतिनिधि चयन गरेको हो । यसै वर्ष नेपाली कांग्रेसको क्रियाशील सदस्यता लिएकी उनी भारपाबाट प्रतिनिधि चुनिएर आएलगत्तै भएको क्षेत्रीय अधिवेशनले उनलाई बहुमतसहित प्रदेश महाधिवेशनका लागि प्रतिनिधि पठाएको हो । पाँचथर बहुमुखी क्याम्पस बिएड दोस्रो वर्षमा अध्ययनरत उनी यसअघि पाँचथर क्याम्पसकै बिएड प्रथम वर्ष संकायको सहसचिव थिइन् ।

‘युवा पुस्तालाई पार्टीले विश्वास गरेर दिएको जिम्वेवारी पूरा गर्न सदैब लाग्नेछु, महिला र युवाको प्रतिनिधित्व पार्टीभित्र सुनिश्चित गर्ने, युवाको जोश र पुरानाको अनुभवलाई संयोजन गर्दै पार्टी संघठनलाई सुदृढ बनाएर तीनै तहका निर्वाचनमा कांग्रेसलाई पहिलो बनाउनु हाम्रो दायित्व हो,' उनले भनिन् ।

कांग्रेसको विधानले अब प्रदेशमा छुट्टै कार्यसमिति गठन गर्ने प्रावधान गरेको छ । जसअनुसार अब प्रदेश प्रतिनिधिहरूलाई प्रदेश महाधिवेशनमा भाग लिने,उम्मेदवार बन्ने,मतदान गर्नेदेखि नीति निर्माण गर्नेसम्मको अधिकार दिएको छ । यस्तै नेपाली कांग्रेसले पाँचथर जिल्लाबाट ११ जना महाधिवेशन प्रतिनिधिलाई महासमितिमा पठाएको हो ।

प्रकाशित : मंसिर ११, २०७८ १९:२५
पूरा पढ्नुहोस्
प्रतिक्रिया
पठाउनुहोस्
×