सोलुखुम्बुमा जिप भिरबाट खस्यो, चालक सख्त घाइते- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

सोलुखुम्बुमा जिप भिरबाट खस्यो, चालक सख्त घाइते

भानुभक्त निरौला

सोलुखुम्बु — जिल्लाको साल्मेस्थित पहलमान भीरमा जिप खसेको छ । शनिबार बेलुकी पौने ८ बजेरित जिल्ला सदरमुकाम सल्लेरीबाट पत्ताले जाँदै गरेको जिप भिरबाट करिब ७ सय मिटर तल खस्दा चालक गम्भीर घाइते भएका छन् ।

सोलुदुधकुण्ड नगरपालिका ८ स्थायी घर भएका ३७ वर्षीय चालक तिन्कु मगरलाई उपचारका लागि फाप्लु अस्पताल ल्याइँदै गरेको र उनको अवस्था चिन्ताजनक रहेको जिल्ला प्रहरी कार्यालयका डिएसपी कवित कटवालले जनाए ।

दुर्घटनाको खबर पाउनासाथ घटनास्थल पुगेको प्रहरीले चालक मगरलाई घाइते अवस्थामा उद्धार गरेको जनाएको छ । गाडी क्षतविक्षत अवस्थामा सोलुखोला किनारमा फेला पारेको थियो । जिपमा अन्य यात्रु भने नरहेको प्रहरीले जनाएको छ ।

प्रकाशित : मंसिर १८, २०७८ २१:१६
प्रतिक्रिया
पठाउनुहोस्

सुनवलको बेलिब्रिजमा समस्या आएपछि पूर्व-पश्चिम राजमार्ग अवरुद्ध

नवीन पौडेल

परासी — पश्चिम नवलपरासीको सुनवलमा बेलिब्रिजमा क्षति पुगेपछि पूर्व-पश्चिम राजमार्ग अवरुद्ध भएको छ । स्थानीय तुरिया खोलामा रहेको पुल भदौ १० गते बाढीको कारण भासिएपछि बेलिब्रिज निर्माण गरिएको थियो । बेलिब्रिजमा समस्या आएपछि शनिबार साँझबाट सवारी आवागमन बन्द भएको जिल्ला ट्राफिक प्रहरी कार्यालय पश्चिम नवलपरासीका प्रमुख बासुदेव नेपालले बताए । 

नारायणगढ-बुटवल सडक बिस्तारको क्रममा नयाँ पुल निर्माणको क्रममा छ । सोही स्थानमा पुल निर्माणको लागि खाडल खन्ने क्रममा बेलिब्रिजको भाग भासिएपछि यातायात ठप्प भएको हो । पूर्व-पश्चिम राजमार्ग अवरुद्ध भएपछि बर्दघाटबाट बुटवल जानुपर्ने सवारीलाई भुमही हुँदै भैरहवातर्फबाट संचालन गराइएको छ भने बुटवलबाट पूर्व आउने सवारीलाई भैरहवा परासी सडक खण्डबाट संचालनको व्यवस्था मिलाइएको प्रहरीले जनाएको छ ।

भदौ १० गते बाढीको कारण जीर्ण पुल भासिएपछि भदौ ३० गतेबाट बेलिब्रिज संचालनमा ल्याइएको थियो । ओभरलोड सवारीको कारण पूर्व-पश्चिम राजमार्गअन्तर्गतका अधिकांश पुल जीर्ण अवस्थामा छ ।


प्रकाशित : मंसिर १८, २०७८ २१:०२
पूरा पढ्नुहोस्
प्रतिक्रिया
पठाउनुहोस्
×