कांग्रेस अधिवेशनमा मोरङका दुई मेयर पराजित

सचिवमा संस्थापन पक्षबाट उठेका सुन्दरहरैंचाका मेयर ढकालले १ हजार ८४ र रतुवामाईका मेयर राईले ४ सय ५५ मत प्राप्त गरे । मेयर राईले अन्तिम समयमा उम्मेदवारी फिर्ता लिएपनि मतपत्र छापिसकेको थियो ।

जिल्ला सचिवमा संस्थापन इतर पक्षबाट मोदराज घिमिरे र ललितबहादुर श्रेष्ठ निर्वाचित भएका छन् । घिमिरेले १ हजार २ सय ३५ र श्रेष्ठले १ हजार ५ सय ६९ मत प्राप्त गरेर विजय भएका हुन् ।

जिल्लाको उपसभापतिमा संस्थापन इतरपक्षका नागेश कोइराला र भक्तिनाथ माझी निर्वाचित भएका छन् । कोइरालाले १ हजार ९ सय ४० र माझीले १ हजार ३ सय ४३ मत प्राप्त गरी विजय भएका हुन् ।

संस्थापन पक्षका उपसभापतिका उम्मेद्वार गोपालबहादुर थापाले १ हजार १ सय ९५, राजु मास्केले ५ सय ३९ र सुबोधकुमार सिंहले ८ सय ६५ मत प्राप्त गरेर पराजित भएका छन् । सहसचिवमा संस्थापन इतर पक्षका भुवनेश्वर मण्डल र सञ्जयकुमार मण्डल निर्वाचित भएका हुन् ।

जिल्ला सभापतिमा संस्थापन इतरपक्षका डिगबहादुर लिम्बू विजय भएका छन् । दोस्रो चरणको चुनावमा लिम्बूले संस्थापन पक्षका दिलिप गच्छदारलाई पराजित गरेका हुन् । लिम्बूको १ हजार ९ सय ६ र गच्छदारले १ हजार ४ सय २५ मत प्राप्त गरेका थिए ।