ओखलढुंगा कांग्रेस सभापतिमा तेजेन्द्र खनाल निर्वाचित

खनालले ७ सय १ मत ल्याए भने उनका प्रतिद्वन्द्वी दाहालले ६ सय ११ मत ल्याए ।

त्यसैगरी उपसभापतिमा कमल तामाङ र नवराज केसी निर्वाचित भए । सचिवमा अजय लुइँटेल र राजकुमार ढुंगाना निर्वाचित भएका छन् । सहसचिवमा उज्जन बुढाथोकी र भोजकुमार श्रेष्ठ निर्वाचित भए । जिल्ला कार्यसमितिमा बहुमत पदाधिकारी संस्थापन पक्षकै उम्मेदवार निर्वाचित भएका छन् ।

जम्मा १ हजार ४ सय ४३ क्षेत्रीय प्रतिनिधि रहेकोमा १ हजार ३ सय ५३ मत खसेको थियो । महाधिवेशन प्रतिनिधिको मतपरिणाम आइसकेको छैन ।