कांग्रेसको तेह्रथुम सभापतिमा अर्जुन तुम्बाहाङ्फे निर्वाचित- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

कांग्रेसको तेह्रथुम सभापतिमा अर्जुन तुम्बाहाङ्फे निर्वाचित

चन्द्र कार्की

तेह्रथुम — नेपाली कांग्रेसको १४औं महाधिवेशन अन्तर्गत तेह्रथुम जिल्ला अधिवेशनबाट वरिष्ठ नेता रामचन्द्र पौडेल पक्षीय उम्मेदवार अुर्जुन तुम्बाहाम्फे निर्वाचित भएका छन् । पार्टी अध्यक्ष तथा प्रधानमन्त्री शेरबहादुर देउवा पक्षीय उम्मेदवार कमल ढुंगानालाई भारी मत अन्तरले पराजित गर्दै तुम्बाहाम्फे जिल्ला सभापतिमा निर्वाचित भएका हुन् । 

विजयी तुम्बाहाम्फेले ४ सय ५० मत प्राप्त गरेका छन् भने ढुंगानाले २ सय ३६ मत मात्र प्राप्त गरे । कूल मत ७ सय ३३ मध्ये ७ सय ६ मत खसेको सहायक निर्वाचन अधिकृत प्रकाश ढुंगानाले जानकारी दिए ।

उपसभापतिमा मचिन्द्र सुब्बा र शिवप्रसाद भट्टराई निर्वाचित भएका छन् । सचिवमा विपिन निङ्लेकू र डिल्लीराम नेपाल निर्वाचित भएका छन् भने सहसचिवमा डम्बरबहादुर भट्टराई र विश्वप्रकाश तुम्बाहाङ्फे निर्वाचित भए । केन्द्रिय महाधिवेशन प्रतिनिधि खुल्लातर्फ तुलसी सुब्बा, केदार ढुंगाना, गणेश बिमली, सन्तोष सुब्बा, केशब भेटुवाल, बिजय सम्बाहाङ्फे, उद्धव तिम्सीना, भिष्म थपलिया, हरी डांगी र अर्जुन मावोहाङ निर्वाचित भएका छन् ।

क्षेत्रीय अधिवेशनदेखि नै देउवा र पौडेल पक्षीय प्यानल बनाएर प्रतिस्पर्धामा होमिएका नेताहरु जिल्ला अधिवेशनमा पनि सोही प्यानल खडा गरेर चुनावी प्रतिस्पर्धामा उत्रिएका थिए ।

प्रकाशित : मंसिर ८, २०७८ १३:५१
प्रतिक्रिया
पठाउनुहोस्

एनआईसी एसिया क्यापिटलको १०.२५ प्रतिशत ‘इनकम ज्ञारेन्टेड फण्ड’

कान्तिपुर संवाददाता

काठमाडौँ — एनआईसी एसिया क्यापिटलले लगानी व्यवस्थापन सेवा (पोर्टफोलियो म्यानेजमेन्ट सर्भिस) अन्तर्गत उच्च प्रतिफल सहितको ‘इनकम ज्ञारेन्टेड फण्ड’ नामक योजना ल्याएको छ । 

विशेषगरी यो योजना नियमित आय आवश्यक पर्ने, जोखिम लिन नचाहने, अवकाश प्राप्त, गृहिणी लगायत लगानीकर्तालाई मध्यनजर गर्दै संचालनमा ल्याइएको कम्पनीको भनाइ छ ।

यस योजनाअन्तर्गत लगानीकर्ताले वार्षिक १०.२५ प्रतिशत निश्चित प्रतिफल प्राप्त गर्नेछन् । क्यापिटलले धितोपत्र बजार तथा मुद्रा बजारको समग्र अवस्थाको राम्रोसँग अध्ययन अनुसन्धान गरेर मात्र यस प्रकारको योजनाहरु संचालन गर्ने गरेको छ । उक्त योजनामा सहभागी हुनको लागि न्युनतम १० लाख लगानीबाट सुरु गर्न सकिनेछ ।


प्रकाशित : मंसिर ८, २०७८ १३:४८
पूरा पढ्नुहोस्
प्रतिक्रिया
पठाउनुहोस्
×