फेदाप गाउँपालिका १ सिम्लेमा आइतबार अपराह्नदेखि सुरु भएको आगलागीमा परी ५ वटा बस्तीका २३ घर जलेका छन् । आगलागीमा थप ५ वटा ग्वाली (गोठ)समेत जलेका छन् । गाउँको पुछारमा वनमा अपरान्ह १ बजे अचानक सुरु भएको आगो वनसँगै जोडिएका बस्तीमा सल्किएको थियो ।
फेदाप गाउँपालिका-१ सिम्लेमा आइतबार अपरान्हदेखि सुरु भएको आगलागीमा परी ५ वटा बस्तीका १६ घर जलेका छन् । गाउँको पुछारमा वनमा अपरान्ह १ बजे अचानक सुरु भएको आगो वनसँगै जोडिएका बस्तीमा सल्किएको छ ।
आठराई गाउँपालिका १ संक्रान्तिबजार नजिकैको पुराना गाउँमा शनिबार बेलुकी ५ बजेतिर आगलागी हुँदा ४ घर जलेका छन् । आगलागीमा स्थानीय देवी गौतम, बलराम गौतम, गणेश गौतम, गोविन्द गौतमको घर र दुई वटा गोठ जलेका छन् ।
लालीगुराँस नगरपालिकाले दुई नगरलाई आफ्नै बस सेवामार्फत् यातायात सञ्जालमा जोडेको छ । लालीगुराँसले जिल्ला सदरमुकाम समेत रहेको म्याङलुङ नगरपालिकासम्म ग्रामीण रुटको प्रयोग गरी आफ्नै बस सेवा संचालनमा ल्याएको हो ।
पाँचथर र तेह्रथुमलाई जोड्ने तमोर नदीमा निर्माणाधीन मोटरेबल पुल निर्माणमा ढिलाइ भएको भन्दै दुवै जिल्लाबासीले आन्दोलनको चेतावनी दिएका छन् । काम थालेको १० वर्षसम्म पनि पुल निर्माण नभएको भन्दै तेह्रथुम र पाँचथरबासीले आन्दोलनको चेतावनी दिएका हुन् ।
तेह्रथुमका पत्रकार भगवानमान श्रेष्ठको शुक्रबार निधन भएको छ । पञ्चायती व्यवस्थादेखि जिल्लामा रहेर कलम चलाउँदै आएका श्रेष्ठको ७६ वर्षको उमेरमा उपचारको क्रममा काठमाडौंमा निधन भएको पारिवारिक स्रोतले जानकारी दिएको छ ।
छथर गाउँपालिकाले कोदोको लोकल रक्सीको बजारीकरणका लागि कानून निर्माण गरेर ब्राण्डिङ गर्ने तयारी थालेको छ । घरेलु मदिरालाई ‘ब्यान्ड होइन ब्राण्ड’ बनाउन जिल्लामै पहिलो पटक गाउँपालिकाले तयारी थालेको हो ।
तेह्रथुमको म्याङलुङमा आइतबार साँझ मोटरसाइकल दुर्घटना हुँदा २ जनाको मृत्यु भएको छ । म्याङलुङ बजारबाट जिरिखिम्तीतर्फ जाँदै गरेको को १४ प ८९२ नम्बरको पल्सर मोटरसाइकल साँझ ५ : ३० बजेतिर दुर्घटना भएको हो ।