बालिका बलात्कार आरोपमा २२ वर्षीय युवक पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

बालिका बलात्कार आरोपमा २२ वर्षीय युवक पक्राउ

भानुभक्त निरौला

सोलुखुम्बु — सोलुखुम्बुमा एक ५ वर्षीया बालिकामाथि बलत्कार गरेको ओरापमा २२ वर्षीय युवक पक्राउ परेका छन् । थुलुङ दुधकोशी गाउँपालिकाकी ५ वर्षीया बालिकालाई बलात्कार गरेको आरोपमा स्थानीय रुपाधन राई गत राति पक्राउ परेका हुन् ।


साँझको समयमा घरमा कोही नभएको बेला अभियुक्तले ललाई फकाई गरी बलात्कार गरेको खुलेको प्रहरीले जनाएको छ । बालिका अचानक विरामी भएको थाहा पाए पछि अभिभावकले सोधपुछ गर्दा बालिकाले छिमेकीले बलात्कार गरेको बताएपछि घटना बाहिरिएको हो ।

एक महिनाअघिको घटना भए पनि प्रहरीलाई सोमबार मात्र उजुरी प्राप्त भएको प्रहरी नायव उपरीक्षक कवित कटावलले बताए । ‘उजुरी प्राप्त हुनासाथ गग राति नै हामीले अभियुक्तलाई नियन्त्रणमा लिएका छौँ’ डिएसपी कटवालले कान्तिपुरसँग भने । उनका अनुसार बालिका लगातार विरामी भएपछि गाउँमा अनेक उपचार गर्दा पनि निको नभएपछि बालिका बलात्कृत भएको खुलेको हो ।

पीडित बालिकाको स्वास्थ्य परीक्षणपछि जिल्ला अस्पताल फाप्लुमा उपचार भइरहेको छ । आरोपित पक्षबाट गाउँमा घटना गुपचुप गराउने प्रयत्न गरिए पनि आफूहरू न्यायका लागि प्रहरी प्रशासनमा अएको पारिवारिक श्रोतले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ ।

प्रकाशित : कार्तिक ९, २०७८ १८:४६
प्रतिक्रिया
पठाउनुहोस्

एनआइसी एसिया बैंकको १५.७८९ प्रतिशत लाभांश प्रस्ताव

कान्तिपुर संवाददाता

काठमाडौँ — एनआइसी एसिया बैंक संचालक समितिको ५११ औं बैठकले गत आर्थिक वर्षको नाफाबाट वितरण गर्ने लाभांश प्रस्ताव गरेको छ ।  गत आवको मुनाफा तथा सञ्चित मुनाफाबाट बैंकले चुक्ता पुँजीको १५.७८९ प्रतिशत लाभांश (१ अर्ब ८२ करोड ५८ लाख) वितरण गर्ने प्रस्ताव गरेको हो । 

बैठकले उक्त प्रस्तावित लाभांश मध्ये १५ प्रतिशत बोनश शेयर र ०.७८९ प्रतिशत नगद लाभांश कर प्रयोजनार्थ प्रदान गर्ने निर्णय गरेको छ । उक्त प्रस्तावित लाभांश नेपाल राष्ट्र बैंक तथा बैंकको आगामी २४ औं वार्षिक साधारण सभाबाट स्वीकृति पश्चात् वितरण गरिनेछ ।

बैंकका देशभर ३५६ शाखा कार्यालयहरू, ४७३ एटिएम, ७० वटा विस्तारित काउन्टर एवं ८१ वटा शाखा रहित बैंकिङ्ग सेवा संचालनमा छन् । २७ लाख ३६ हजार भन्दा बढी निक्षेप खाता एवं ९१ हजार भन्दा बढी कर्जा खाता संचालनमा छ ।


प्रकाशित : कार्तिक ९, २०७८ १८:३३
पूरा पढ्नुहोस्
प्रतिक्रिया
पठाउनुहोस्
×