कोसी गाउँपालिकासँंग जोडिएका भारतीय सीमा सिल- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

कोसी गाउँपालिकासँंग जोडिएका भारतीय सीमा सिल

प्रदीप मेन्याङ्बो

सुनसरी — भारतको बिहार राज्यको सुपौल जिल्लास्थित वीरपुर क्षेत्रमा पर्ने स्थानीय ग्राम पञ्चायत निर्वाचनका कारण सुनसरीको कोसी गाउँपालिकासँग जोडिएको सीमा सिल गरिएको छ ।

सुनसरीका सशस्त्र प्रहरी बलका एसपी माधव प्रसाद पौडेलका अनुसार गाउँपालिकाको वडा नम्बर ६ र ८ सँग जोडिएका सिमा नाकाहरू सोमबार बिहानसम्मका लागि सिल गरिएको हो ।

वीरपुर क्षेत्रमा आइतबार निर्वाचन हुँदैछ । सिमावर्ती क्षेत्रमा चुनावका बेला कुनै पनि आपराधिक घटना गरेर नेपालतर्फ अपराधी भाग्न सक्ने सम्भावनालाई मध्यनजर गर्दै भारतीय सीमा सुरक्षा अधिकारीहरूले नेपाली पक्षको सहयोग मागेकाले सहमतिमा दुवै तर्फको नाका सिल गरिएको एसपी पौडेलले जानकारी दिए ।

सीमा सिल गर्न एक महिना अघि नै भारतीय पक्षका डीएम र नेपालका सीडीयोस्तरमा भर्चुअल बैठकले निर्णय गरेको थियो । सोही निर्णयअनुसार सीमावर्ती क्षेत्रमा सशस्त्र प्रहरी बलले गस्ती बढाएको र भन्टाबारी नाका लगायतमा आवागमन बन्द गरिएको पौडेलले बताए ।

उनले भने, ‘गत शुक्रबार बेलुकादेखि सिल गरिएको नाकाहरु त्यहाको ग्राम पञ्चायतको निर्वाचन सकिएपछि सोमबार विहानसम्ममा खोलिने छन् ।’

प्रकाशित : कार्तिक ७, २०७८ १५:२५
प्रतिक्रिया
पठाउनुहोस्

सेयर बजारको परिसूचक २७ अंकले बढ्यो 

कान्तिपुर संवाददाता

काठमाडौँ — साताको पहिलो दिन आइतबार सेयर बजारको परिसूचक नेप्से २७.५ अंकले बढेको छ । सो अंकको वृद्धिसँगै परिसूचक २५८४ अंकमा कायम भएको छ । यस दिन कारोबार रकम भने ३ अर्ब पनि पुगेन । कुल २ अर्ब ७७ करोड रुपैयाँको सेयर किनबेच भएको छ । 

ब्यापार उपसमूह २० अंकले घट्यो । सोबाहेक अरु सबै उपसमूह बढेका छन् । बैंकिङ ६, होटल तथा पर्यटन ४३, विकास बैंक ७२, जलविद्युत ६५, फाइनान्स ८९, निर्जीवन बीमा ३९ र जीवन बीमा उपसमूह ६७ अंकले बढे । त्यस्तै उत्पादन १०५, अन्य ५५ र लघुवित्त उपसमूह ५३ अंकले बढे ।

कुल १५० कम्पनीको मूल्य बढेको छ भने ३१ कम्पनीको मूल्य घटेको छ । त्यस्तै ६ कम्पनीको मूल्य स्थिर रह्यो । दुई कम्पनीको सेयर मूल्य १० प्रतिशतले बढेको छ । बेस्ट फाइनान्स र रिडी हाइड्रोपावरको मूल्य १० प्रतिशतले बढेको हो । मेरो माइक्रोफाइनान्सको मूल्य सबैभन्दा धेरै १० प्रतिशतले घटेको छ ।


प्रकाशित : कार्तिक ७, २०७८ १५:११
पूरा पढ्नुहोस्
प्रतिक्रिया
पठाउनुहोस्
×