सुनसरीमा बाढीले ३० प्रतिशत धान खेती नष्ट

आइतबार रातीदेखि परेको पानीले जिल्लाको १६ हजार हेक्टर जग्गामा लगाइएको धान खेती नष्ट भएको अनुमान गरिएको छ । ‘सुनसरीको दक्षिणी क्षेत्र जलमग्न छ । विवरण संकलन गर्न कठिन भइरहेको छ,’ केन्द्र प्रमुख नुनुलाल उरावले भने, ‘पूर्ण रूपमा विवरण आउन अझै केही दिन लाग्छ ।’ केन्द्र प्रमुख उरावका अनुसार हरिनगरा,देवानगंज र इनरुवामा लगाइएको तरकारी खेती समेत नष्ट भएको छ । तरकारी खेतीको समेत विवरण संकलन गर्ने क्रम जारी रहेको उनले बताए । जिल्लामा यस वर्ष कुल ५५ हजार हेक्टर क्षेत्रफलमा धान खेती भएको थियो ।