शिक्षा नियमावलीको विरोध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
इलाम — नगर प्रमुख महेश बस्नेतले एकलौटी ढंगले शिक्षा नियमावली ल्याएको भन्दै इलाम नगरपालिकाका वडाध्यक्षहरूले विरोध जनाएका छन् । शिक्षा नियमावली, २०७४ को सातौं संशोधन गर्दा पर्याप्त छलफल नगरेको कतिपय विषयलाई फरक ढंगले प्रस्तुत गरिएको उनीहरूको आरोप छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![शिक्षा नियमावलीको विरोध](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/illamnagarpalika-2982021060740-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नियमावलीमा विरोध जनाउनेमा कांग्रेसबाट निर्वाचित वडाध्यक्ष छन् । नियमावलीमा विद्यालय व्यवस्थापन समितिसम्बन्धी व्यवस्थामा सबै अधिकार नगर प्रमुखले आफूमा केन्द्रित रहने गरी संशोधन गरेको उनीहरूको आरोप छ ।
वडा–७ का अध्यक्ष नरेश श्रेष्ठले संशोधनको विषय जानकारी नगराई गत साउन २० को नगर कार्यपालिका बैठकमा छलफलका लागि एक साता माग्दासमेत नदिई सोही दिन जबर्जस्ती पारित गराइएको बताए ।
‘मैले असहमति जनाउँदा पनि नोट अफ डिसेन्ट लेख्ने अधिकार दिइएन,’ उनले भने । नियमावली तत्काल संशोधन गर्न वडाध्यक्षहरूले आग्रह गरेका छन् । वडा–३ का अध्यक्ष तीर्थ गुरुङले सरोकारवालासँग बृहत् छलफल गरेर संशोधन हुनुपर्ने धारणा राखे ।
नगर प्रमुख बस्नेतले भने नियमावली संशोधनमा समस्या नभएको बताए । उनले संशोधनमा वडा–७ का वडाध्यक्षबाहेक सबैले सहमति जनाएको दाबी गरे । कार्यपालिका सदस्यहरूलाई बैठकअघि नै एजेन्डा पठाइने गरिएको भए पनि भूलवश कार्यालयको तर्फबाट पठाउन छुटेको उनले स्विकारे ।
प्रकाशित : भाद्र १३, २०७८ ०९:५३