आगलागीबाट किरिया बसेका आमा–छोरा घाइते- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

आगलागीबाट किरिया बसेका आमा–छोरा घाइते

आनन्द गौतम

ताप्लेजुङ — आगलागीमा परी पाँचथरको फिदिम नगरपालिका–४ जोरसालमा किरिया बसेका आमासहित दुई छोरा घाइते भएका छन् ।

सोमबार बेलुकी ग्यास सिलिन्डर लिक भएर आगलागी हुँदा ७२ वर्षीया चनमाया तथा छोराहरू ४९ वर्षीय दीननाथ र ३२ वर्षीय मदन सापकोटा घाइते भएको जिल्ला प्रहरी कार्यालयका प्रवक्ता प्रहरी निरीक्षक डम्बर विश्वकर्माले जानकारी दिए ।

पिता भगीरथ सापकोटाको सोमबार अन्त्येष्टि गरी किरिया बसेका उनीहरूले पानी तताउन ग्यास बालेका थिए । बेलुका ८:४० बजेतिर भुइँमा ओछ्याइएको परालमा सल्किएको र त्यसलाई निभाउने क्रममा उनीहरू घाइते भएको विश्वकर्माले जानकारी दिए । पाँचथर अस्पतालमा उपचार सम्भव नभएपछि तीनै जनालाई झापाको मेची अञ्चल अस्पताल लगिएको छ ।


प्रकाशित : जेष्ठ २५, २०७८ ०७:४३
प्रतिक्रिया
पठाउनुहोस्

पेनाल्टी नदिएको भए हुन्थ्यो : प्रशिक्षक अलमुताइरी

‘हारको सबै दोष मेरो हो । मेरो अनुरोध छ, खेलाडीलाई दोष दिनु पर्दैन’
कान्तिपुर संवाददाता

काठमाडौँ — नेपाली राष्ट्रिय फुटबल टिमका प्रशिक्षक अब्दुल्लाह अलमुताइरीले जोर्डनविरुद्धको विश्वकप छनोट हारपछि त्यसको जिम्मेवारी लिएका छन् । खेलपछिको म्याचकन्फ्रेन्समा उनले खेलाडीलाई दोष नदिन पनि अनुरोध गरे । यस्तै पहिलो हाफमा पाएको पेनाल्टी निर्णय नदिएपनि हुने प्रतिक्रिया दिए ।

प्रशिक्षक अल्मुताइरीले भने, ‘हारको सबै दोष मेरो हो । मेरो अनुरोध छ, खेलाडीलाई दोष दिनु पर्दैन । हामीले उत्कृष्ट प्रदर्शन गरेका हौं । आउने दिनमा हाम्रो खेलमा अझ सुधार हुनेछ । हामीले आजको खेलमा जति पनि गोल खायौं, ती सेट पिसमा भएका थिए । पहिलो हाफमा हामीले एउटै मात्र भूल गरेका थियौं र हामीविरुद्धको पेनाल्टी निर्णय नदिएको भए नतिजा फरक हुन सक्थ्यो ।’

अब नेपालले विश्वकप छनोटका आफ्नो अन्तिम खेल अस्ट्रेलियाविरुद्ध खेल्नेछ र त्यसमा पनि टिमको रणनीति रक्षात्मक नहुने उनको संकेत थियो । उनले भने, ‘अस्ट्रेलियाविरुद्ध हामी सन्तुलित खेल खेल्नेछौं । म अस्ट्रेलियाविरुद्ध इराकको जस्तो हार बेहोर्न चाहन्नँ । हामी पराजित रहे पनि गर्वले खेल्नेछौं ।’

प्रकाशित : जेष्ठ २५, २०७८ ०७:३५
पूरा पढ्नुहोस्
प्रतिक्रिया
पठाउनुहोस्
×