ट्रकको ठक्करले मोटरसाइकल चालकको मृत्यु
मोरङ — कोशी राजमार्गस्थित बुढीगंगा गाउँपालिका ४ नेमुवाचोकमा ट्रकको ठक्करले एक मोटरसाइकल चालकको आइतबार मृत्यु भएको छ । विराटनगर १४ जतुवाका ४५ वर्षीय अञ्जनी सिंहको मृत्यु भएको छ ।
उत्तरतर्फ जाँदै गरेको ना ६ ख ३०४० नम्बरको ट्रकले उक्त दिशातर्फ जाँदै गरेको को ९ प २६८१ नम्बरको मोटरसाइकललाई ओभरटेक गर्ने क्रममा ठक्कर लागेको थियो ।
ट्रकको ठक्करले घाइते मोटरसाइकल चालक सिंहको विराट मेडिकल शिक्षण अस्पतालमा उपचारका क्रममा मृत्यु भएको जिल्ला प्रहरी मोरङका प्रवक्ता डिएसपी मानबहादुर राईले बताए । ट्रक र चालक बाराको निजगढ कोल्वी नगरपालिका–२ का ३२ वर्षीय भीमबहादुर विकलाई नियन्त्रणमा लिइएको उनले बताए ।
प्रकाशित : वैशाख ५, २०७८ १४:४६प्रतिक्रिया
