छोराको पिटाइले मृत्यु
मोरङ — विराटनगर महानगर–५ मा घरायसी विवादमा छोराको कुटपिटबाट स्थानीय ६५ वर्षीय काले साहको बुधबार मृत्यु भएको छ ।
कुटपिट गरेका साहका छोरा अजयलाई प्रहरीले पक्राउ गरेको छ । सामान्य घरायसी विवादमा अजयले बुबालाई चैत २६ गते निर्घात कुटपिट गरेको प्रहरीले जनाएको छ ।
उपचारका क्रममा घाइतेको नोबेल अस्पताल विराटनगरमा मृत्यु भएको प्रहरी नायब उपरीक्षक मानबहादुर राईले बताए । कुटपिट गरी लुकेर बसेको अवस्थामा अजयलाई विराटनगर–५ बाट पक्राउ गरी घटनाको अनुसन्धान सुरु गरिएको उनले बताए ।
यसअघि घरायसी विवादमै विराटनगर–८ मा छोराको कुटपिटले ५४ वर्षीय विको सहनीको पनि आइतबार मृत्यु भएको थियो । मदिरा पसल चलाइरहेका सहनीलाई उनका माहिला छोरा रविले कुटपिट गरेको प्रहरीले जनाएको छ ।
प्रतिक्रिया