ट्र्याक्टरको ठक्कर मोटरसाइकल चालकको मृत्यु
मोरङ — कटहरी गाउँपालिका ४ स्थित रंगेली सडकमा बिहीबार ट्र्याक्टरले दिएको ठक्करले मोटरसाइकल चालकको मृत्यु भएको छ ।
दुर्घटनामा धनपालथान गाउँपालिका ७ का ६० वर्षीय मुस्तफी मियाँको मृत्यु भएको प्रहरीले जनाएको छ ।
को२त ६१२७ नम्बरको ट्र्याक्टरले को३प ३३०९ नम्बरको मोटरसाइकललाई ठक्कर दिँदा घाइते भएका मोटरसाइकल चालक मियाँको विराटनगरस्थित न्यूरो अस्पतालमा उपचारको क्रममा मृत्यु भएको जिल्ला प्रहरी मोरङका प्रहरी नायब उपरीक्षक मानबहादुर राईले जानकारी दिए ।
ट्र्याक्टर र चालकलाई नियन्त्रणमा लिइएको राईले बताए ।
प्रतिक्रिया
