कपिलवस्तुको रामघाटमा मेला भर्नेको घुइँचो

सोमबार लाग्ने मेलाका लागि आइतबार साँझैबाट रामघाटमा श्रद्धालु भक्तजन आउने क्रम सुरु भएको थियो । राति ३ बजेबाटै रामघाटमा स्नान गरी नजिकैको रामजानकी मन्दिरमा पूजाआजा गर्नेको लाइन थियो । मन्दिर वरिपरि र नदी किनारमा रातभर साधुसन्त जाग्राम बसेर ढोल, खैजडी, झाँज र हार्मोनियम बजाइ भजन, किर्तन र चुड्का भन्दै बसेका थिए ।

त्रेता युगमा भगवान राम वनवास जाने क्रममा रामघाट आइपुग्दा उनलाई पानी प्यास लागेपछि अर्जुनले वाण हानेर पानी निकालेको धार्मिक किंवदन्ती रहेको अवधि लोककला विशेषज्ञ पशुपतिमणि त्रिपाठीले बताए । भगवान रामले पानी पिएको हुँदा यस ठाउँको नाम रामघाट रहन गई धार्मिक तीर्थस्थल भएको बूढापाका बताउँछन् ।