तस्बिर : मनोज पौडेल

चिटिक्क सिँगारिएको लुम्बिनीमा बिहीबार विभिन्न कार्यक्रम गरी भव्य रूपमा बुद्ध जयन्ती मनाइएको छ । २५६८औं बुद्ध जयन्ती मनाउन यहाँ स्वदेश तथा विदेशबाट भिक्षु, भिक्षुणी, उपासक, उपासिकासमेत आएका छन् ।

बुद्ध जन्मस्थल लुम्बिनीमा विश्वशान्ति धामको निर्माणका लागि स्थानीयदेखि लामागुरु र कूटनीतिज्ञसम्मले श्रमदान गरेर निर्माण सुरु गरेका छन् । कोरोना संक्रमणले रोकिएको काम अहिले पुनः सुरू भएको हो ।

बुद्ध जन्मस्थल लुम्बिनीमा ९ सय ९ जनाको आँखाको मोतियाविन्दुको निःशुल्क शल्यक्रिया गरिएको छ । दिवंगत थाई राजा भूमिबोल अदुल्यादेजको स्मृतिमा आयोजित ४ दिने निःशुल्क आँखा उपचार शिविरमा दाङ, कपिलवस्तु, रुपन्देही र पश्चिम नवलपरासीका बिरामीको उपचार गरिएको थियो ।