सगरमाथामा सधैं नेपाली झन्डा [तस्बिरहरु]
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
कालापत्थर — पृथ्वीकै अग्लो सगरमाथामा मानव पाइला पुगेको ७० वर्ष पुगिसकेको छ । यो अवधिमा ८ हजार ८ सय ४८ मिटर उचाईको चुचुरोमा नेपालीसहित सयौं मुलुकका आरोहीले थुप्रैपटक झन्डा फहराए । आरोहण सकिएसँगै ती झन्डाको पनि काम सकिन्छ । त्यहाँ रहँदैनन् । छुटफुट झन्डा पनि हावाको तीव्र वेगले उडाइहाल्छन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/everest-23112023035155-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0300-23112023035112-1000x0.jpg&w=1001&h=0)
वर्षमा वसन्त, ग्रिष्म–वर्षा, हेमन्त र शिशिर गरी चार सीजन संचालन हुने आरोहण सकिएपछि सुनसान हुने विश्वकै यो अग्लो शिखर पछिल्ला वर्ष जलवायु परिवर्तनको चपेटामा परेको छ । सेताम्य हिउँ पग्लेर काला चट्टान ठिंग उभिएका छन् । हिमनदीमा पानी छैन । हिमतालको आकार घट्दो छ । सेतो हिमाल चुचुरोको टुप्पोमा झन्डा फहराउने सपना बोकेर सगरमाथा आधारशिविर पुग्ने आरोहीहरु काला पहाड देखेर खिन्न हुन्छन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0354-23112023035120-1000x0.jpg&w=1001&h=0)
मानवीय क्रियाकलापका कारण बढ्दो तापक्रमले हिमालमा हिउँ पग्लिने क्रम नथामिएपछि शनिबार प्रधानमन्त्री पुष्पकमल दाहालले यस विषयमा विश्वकै नजर तान्न झन्डोत्तोलन गरे । प्रधानमन्त्रीले ५६ सय मिटर उचाईमा रहेको कालापत्थरमा राष्ट्रिय झन्डा फहराए । सगरमाथाले मानव पाइला पुगेको ७ दशकपछि सधैं फहराइरहने राष्ट्रिय झन्डा पाएको छ । त्यहाँ नेपाल पर्वतारोहण संघले आफ्नो स्थापनाको ५० वर्ष पुगेको छेको पारेर झन्डा राखेको हो । अध्यक्ष निमा नुरु शेर्पाका अनुसार नेपालकै सबैभन्दा उचो स्थानमा राखिएको राष्ट्रिय झन्डामार्फत अब सगरमाथासँगै नेपालको पनि विश्वभर प्रचार हुने छ । ‘जति पनि सगरमाथाका तस्बिर सार्वजनिक छन् ती अधिकांश कालापत्थरबाट खिचिएका हुन्, अबका दिन आरोही हुन् वा पर्यटकले खिच्ने फोटो/भिडियोमा सगरमाथाको अघिल्तिर एउटा राष्ट्रिय झन्डा पनि फहराइरहने छ । जसले नेपाललाई पनि विश्वमा प्रचार गर्ने छ,’ उनले भने ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0235-23112023035103-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0564-23112023035129-1000x0.jpg&w=1001&h=0)
झण्डै तीन महिना लगाई आरोही स्पीड काजी शेर्पाले काठमाडौंबाट निर्माण सामग्रीसहित त्यहाँ झन्डा पुर्याएका हुन् । उनका अनुसार हेलिकप्टरबाट फलाम डन्डीलगायत निर्माण सामग्री काठमाडौंबाट ओसारिएको थियो । संघका कोषाध्यक्ष मुक्ति पाण्डेका अनुसार झन्डा राखिएको स्थानमा सन् २००९ मा तत्कालीन प्रधानमन्त्री माधवकुमार नेपालसहित २४ सदस्यीय मन्त्रिपरिषद्को बैठक बसेको थियो ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0735-23112023035146-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0694-23112023035138-1000x0.jpg&w=1001&h=0)
जलवायु परिवर्तनले नेपालमा पारेको असर विश्वलाई देखाउन १४ वर्षअघि मन्त्रिपरिषद्को बैठक बसेको स्थानलाई चिनाउन र जलवायु परिवर्तनले हिउँ पग्लिने प्रणालीमा पुर्याएको नकारात्मक असरबारे संसारको ध्यान खिच्न राष्ट्रिय झन्डा राख्ने निर्णय भएको कोषाध्यक्ष पाण्डेले बताए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0215-23112023035054-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/dsc0200-23112023035037-1000x0.jpg&w=1001&h=0)
त्यसताका कालापत्थरमा कृत्रिम अक्सिन मास्क लगाएर प्रधानमन्त्रीसहित २४ जना मन्त्रीको बैठक कालापत्थरमा भएको थियो । यसपटक कृतिम अक्सिजनसहित पुगेका प्रधानमन्त्री दाहालले अर्को साता दुबईमा हुने जलवायुसम्बन्धी कोप-२८ सम्मेलनमा नेपालले जलवायुवित्तको पहुँचमा भोगिरहेको समस्या, विश्व तापमान वृद्धिलाई सीमित गर्न विश्वका धनी र विकसित राष्ट्रसमक्ष नेपालबारे पैरवी गर्ने बताए ।
![](https://assets-cdn.ekantipur.com/uploads/source/ads/900-x-100-0172024023126.gif)